Light-year ဆိုစွာ ဇာလဲ

အာကာသမှာ ဟိရေ အရာဝတ္ထုတိနာင့် ပတ်သက်ပြီးကေ ပြောကတ်ဆိုကတ်တေခါ light-year (အလင်းနှစ်)ဆိုစွာကို ထည့်ပြီးကေ သုံးတတ်ကတ်ပါရေ။ “အလင်းနှစ်”ဆိုစွာနာင့် လူတိက အေချင့်ရေ အချိန်ကာလတစ်ခုကို ရည်စူးလို့ခေါ်စွာလို့ ထင်နိုင်ပါရေ။ အမှန်ကတော့ခါ အလင်းနှစ် တစ်နှစ်ရေ ၅.၈ ထရီလီယံ မိုင် (၉.၅ ထရီလီယံ ကီလိုမီတာ)နာင့် ညီမျှရေ အတိုင်းအတာတစ်ခုရာ ဖြစ်ပါရေ။ ယင်းအတိုင်းအတာရေ တနည်းအားဖြင့် ကမ္ဘာမှာပုံမှန်သုံးနိန်ကျ နှစ် တစ်နှစ်(၃၆၅ရက်) အတွင်းမှာ အလင်း ကူးသန်းလားနိုင်ရေ အတိုင်းအတာလည်း ဖြစ်ပါရေ။ အာကာသမှာဟိရေ အရာဝတ္တုတိအကွာအဝေးရေ ၀ီးလွန်းရေ အတွက်နာင့် ပုံမှန်သုံးနိန်ကျ မိုင်၊ ကီလိုမီတာတိကို သုံးကေ ဂဏာန်း ပေါင်းပွတတ်လို့ အလင်းနှစ်ကို အစားထိုးသုံးစွဲရခြင်းဖြစ်ပါရေ။