Monday, December 28, 2009

ရီနံနာင့် သဘာဝဓာတ်ငွေ့ (၁)

ကမ္ဘာ့လူဦးရေ ရေ ၁၉၅၀ခုနှစ်မှာ ၂ ဒသမ ၅ ဘီလီယံ ဟိခစွာကနိန် ၂၀၀၅ခုနှစ်ကို ရောက်တေခါ ၆ ဒသမ ၅ ဘီလီယံထိကို ခုန်တက် များပြားလာခပါရေ။ လေ့လာသူတိ၏ ပြောဆိုချက်အရ ၂၀၅၀ ခုနှစ်မှာ ၉ ဒသမ ၁ ဘီလီယံထိ ဟိလာဖို့လို့ ခန့်မှန်းကတ်ပါရေ။ ယင်းလူတိ နိန့်စိုင် အလုပ်တိ အောင်အောင်မြင်မြင်လုပ်နိုင်ဖို့ အတွက် လောင်စာတိလည်း အဂုထက် အဆပေါင်းများစွာ လိုလာပါဖို့။ တချိန်တည်းမှာပျာယ် ကမ္ဘာမှာဟိရေ ရီနံရေ တစ်နိန့်ထက်တစ်နိန် နည်းပါးလို့ လာနိန်ပါရေ။ ကမ္ဘာ့ရီနံလိုအား(demand)က များလာနိန်ပြီးကေ ပံ့ပိုးပီးနိုင်အား(supply)က နည်းလာနိန်ရေခါ ရီနံဈီးနှုန်းကလည်း ဆက်ပြီးကေ တက်နိန်ဖို့ အနေအထားမှာ ဟိပါရေ။ ရီနံထုတ်လုပ်တေ နိုင်ငံတိကလည်း သူရို့နိုင်ငံမှာ ရီနံမခန်းခင် ရီနံဈီးတိကို ကဇတ်ပြီးကေ မိမိနိုင်ငံကြီးပွားတိုးတက်အောင် လုပ်ကတ်ရပါရေ။ ကျနော်ရို့ ရခိုင်ပြည်မှာ ဟိစွာ သဘာဝဓာတ်ငွေ့နာင့် ရီနံတိကလည်း ဇာလောက်ခံဖို့လဲတော့ မသိပါ။ ယေကေလေ့ အေလောက် ကိုယ့်ပြည်အတွက် အခွင့်အရေးကောင်းဟိနိန်စွာကို သခိုးတစ်ကျိုင်က နိန့်ခင်းကြောင်တောင် လာခိုးနိန်စွာကို အေအတိုင်း ကြည့်နိန်ကတ်ရပါရေ။ လက်ဟိ ရွှေဂတ်စ်အဖွဲ့၏ ကိန်းဂဏာန်းတိအရ တစ်နှစ်ကို အနည်းဆုံး ၁ ဘီလီယံဒေါ်လာစီနာင့် အနည်းဆုံး နှစ်ပေါင်း ၃၀ကျော် ခိုးယူနိုင်ကတ်ဖို့လို့ သိရပါရေ။ ယေကေ ကျနော်ရို့ အိမ်ခြံဝင်းထဲက ရီနံတိ၊ ဓာတ်ငွေ့တိကို ဇာပိုင်ပျင်လို့ ဟိမှန်းသိလားခကတ်ပါလဲ။

ရီနံနာင့်သဘာဝဓာတ်ငွေ့တိကို ယှာတွိနိုင်ဖို့ ဒေသန္တာရ ပထ၀ီနာင့် ဘူမိဗေဒ ဘာသာရပ်တချို့ကို နားလည်ဖို့ လိုပါဖို့။ ရီနံဆိုစွာရေ ကမ္ဘာ့မြီကြီးအောက်မှာဟိရေ နှစ်ရှည်သဘာဝရုပ်ကြွင်းတိက ရဟိရေ လောင်စာတစ် မျိုးဖြစ်ပါရေ။ ယင်းအတွက်ကြောင့်လည်း ရီနံကို ကမ္ဘာ့နိန်ရာအနှံ့အပြားမှာ ယှာဖွေတွိဟိရပါရေ။ တွိဟိမှု ပမာဏပဲ ကွာပါရေ။ တစ်ချို့နိန်ရာမှာ အများကြီး တွိရပြီးကေ တချို့နိန်ရာမှာ စိကေလောက်ရာ တွိရပါရေ။ သဘာဝမှာ ရီနံဖြစ်တည်ဖို့အတွက် အချက်သုံးချက်လိုအပ်ပါရေ။ (က) ပထမဆုံးအနည်နာင့် အနည်ကျ ကျောက်ဟိရေ နိန်ရာဒေသ ဖြစ်ရပါဖို့။ ရခိုင်ပြည်မှာ Sandstone, Shale, Limestone, Conglomerate စရေ ကျောက်အမျိုး အစားတိကို တွိရပါရေ။ ယင်းကျောက်တိရေ အနည်ကျကျောက်အမျိုးအစားဝင်တိ ဖြစ်ပါရေ။ အနည်ကျ ကျောက်ထဲမှာ ငါး၊ အခွံပါ ရီနိန်သတ္တ၀ါ၊ planktonလို့ခေါ်ရေ ကကောင်းငယ်ရေ ရီနိန်သတ္တ၀ါတိ၊ အပင်တိ စရေ ရုပ်ကြွင်းတိရေ နှစ်ပေါင်းများစွာကြာ တည်ဟိနိန်ကတ်ပါရေ။ ယင်းရုပ်ကြွင်းတိရေ ပင်လယ် သမုဒ္ဒရာအောက်ထဲမှာ အသီကောင်တိအဖြစ်နာင့် သဲတိ၊ ကျုပ်(mud)တိနာင့် ရောပြီးကေ နှစ်ပေါင်း သန်း၁၀ နာင့် ၆၀၀ ကြား တည်ဟိနိန်ကတ်စွာပါ။ နှစ်ပေါင်းကြာလာစွာနာင့်အမျှ တစ်ခုထက်ကိုတစ်ခု ပုံထပ်ပြီးကေ ကျောက်အသွင်ကို ပြောင်းလားခကတ်စွာပါ။ ယင်းအရာတိရေ သဘာဝရုပ်ကြွင်းတိ ဖြစ်တေအတွက်ကြောင့် ဖိအား(pressure) နာင့် အပူ(heat)တိ ကြီးမြင့်လာရေအခါ ပြိုကွဲဓာတ်ပြောင်းပြီးကေ ရီနံနာင့် ဓာတ်ငွေ့တိကို ပြုလုပ်ပီးပါရေ။ (ခ) ဒုတိယအနည်နာင့် ယင်းရီနံနာင့် ဓာတ်ငွေ့တိကို သိုလှောင်ထားနိုင်ဖို့အတွက် porous rock လို့ခေါ်ရေ အပေါက်ချေတိပါရေ ကျောက်အမျိုးအစား ဟိရပါဖို့။ ရခိုင်ပြည်မှာ ဟိရေ limestone, sandstone ကျောက်တိရေ porous rockတိဖြစ်ပါရေ။ ယင်းအပေါက်ချေတိထဲမှာ ရီနံတိ ဓာတ်ငွေ့တိ စိမ့်ဝင်တည်ဟိနိန်နိုင်ပါရေ။ (ဥပမာအနိန်နာင့် ပြောရဖို့ဆိုကေ ၀ါဂွမ်းလုံး တစ်လုံးပိုင်ပါပျာယ်။ ၀ါဂွမ်းကို ရီစိမ်လိုက်ကေ ၀ါဂွမ်းမျှင်တိကြား ထဲက လီဟိရေနိန်ရာကို ရီတိက အစားထိုးဝင်ရောက်လားပိုင်ပါ။ ၀ါဂွမ်းလုံးကို ပြန်ညှစ်ပလိုက်ကေ ရီတိပြန် ထွက်လာပါဖို့။) (ဂ) တတိယအချက်အနိန်နာင့် ယင်းအပေါက်တိပါရေ ကျောက်သားတိထက်က Impermeable rock (သို့) ယိုစိမ့်ထွက်မလားနိုင်ရေကျောက် ခေါင်မိုးတစ်ခု ဟိရပါဖို့။ ယေမှရာ ရီနံနာင့်ဓာတ် ငွေ့တိကို porous rockထဲမှာ အဖုံးပိတ် သိမ်းထားပိုင် သိမ်းထားနိုင်ဖို့ ဖြစ်ပါရေ။

ယင်းအတွက်နာင့် ရီနံယှာဖွေရေ လူတိရေ ယင်းကျောက်အမျိုးအစားသုံးမျိုးစလုံးကို ယှာဖွေကတ်ရပါရေ။ သံလိုက်ဓာတ်သုံး(Magnetic)စမ်းသပ်မှုတိနာင့် ကမ္ဘာ့ဆွဲငင်အား(Gravity)လေ့လာမှုစစ်တမ်းတိကို ရယူကတ်ပါရေ။ ကျောက်တိုင်းမှာ သံလိုက်ဓာတ်ဟိပါရေ။ ယေကေလေ့ ကျောက်အမျိုးအစားကိုလိုက်လို့ သံလိုက်ဓာတ်အား ကွာခြားမှုဟိပါရေ။ ယင်းကွာခြားမှုကို လေ့လာကြည့်ကေ တိုင်းတာရေ နိန်ရာမှာ ဇာကျောက်အမျိုးအစားတိဟိလဲ ဆိုစွာကို သိဟိနိုင်ပါရေ။ တိုင်းတာမှုတိရဖို့အတွက် မိမိသိဟိလိုရေ ဒေသကို သံလိုက်ဓာတ်အားတိုင်းကိရိယာတပ်ဆင်ထားရေ လေယဉ်နာင့် ခေါက်တုံ့ခေါက်ပြန် မောင်းရပါရေ။ ရလာရေ အချက်အလက်တိကို အသုံးပြုပြီးကေ ယင်းဒေသ၏ မြီအောက်ဖွဲ့စည်းပုံကို ပုံဖော်ကတ်ရပါရေ။ ကမ္ဘာ့ဆွဲငင်အားတိုင်းကိရိယာကို သုံးပြီးကေလည်း ကမ္ဘာ့ဆွဲငင်အားအပြောင်းအလဲကို လေ့လာပြီးကေ ကျောက်အမျိုးအစားကို ခန့်မှန်းကတ်ရပါရေ။ ယင်းအပြင် ကျောက်တိ၏ သိပ်သည်းဆ (density) ကို လေ့လာကြည့်ခြင်းဖြင့်လည်း ကျောက်အမျိုးအစားကို ခန့်မှန်းနိုင်ပါရေ။

တချို့ကလည်း စိန်သွားပါရေ အဖြတ်ထည်(cutting tools)တိကို သုံးပြီးကေ ကျောက်အလွှာတိကို ဖြတ်လို့ ကျောက်နမူနာ(rock samples)တိ ရယူကတ်ပါရေ။ အယင်ခေါက်ကဆိုကေ ဘူမိဗေဒပညာရှင်တိရေ
မြေမျက်နှာသွင်ပြင်တိ၊ မြီအမျိုးအစားတိနာင့် ပတ်သက်တေ အချက်အလက်တိကို ကွင်းဆင်းပြီးကေ ရယူခကတ်ရပါရေ။ အဂုနောက်ပိုင်းမှာဆိုကေ ဂြိုလ်တုတိကို သုံးပြီးကေ ယင်းကိစ္စတိကို ဆောင်ရွက်နိန်ကတ်ပါပျာယ်။

ရဟိလာရေ အချက်အလက်တိအားလုံးကို စုဆောင်ပြီးကေ ကွန်ပျူတာမှာ ပုံဖော်ကြည့်ကတ်ပါရေ။ ယင်းချင့်ကို ဘူမိဗေဒပညာရှင်တိက လေ့လာဆန်းစစ်ပြီးကေ ရီနံတွိနိုင်ဖို့လို့ထင်မှ ဆက်ပြီးကေ တုန်ခါမှုဆိုင်ရာ တိုင်းတာမှုတိကို ပြုလုပ်ပါရေ။ ယင်းချင့်လုပ်ဖို့အတွက် ပထမဆုံး အနိန်နာင့် မိမိလေ့လာနိန်ရေ ဒေသမျက်နှာပြင်ထက်မှာ ပေါက်ကွဲမှု တစ်ခုကို ပြုလုပ်ကြည့်ပါရေ။ ယင်းပေါက်ကွဲမှုက ထုတ်လွင့်လိုက်တေ
အသံလိုင်းတိရေ ဖြတ်သန်းရေ လမ်းကြောင်းတလျှောက်မှာဟိရေ ကျောက်တိကို ရိုက်ခတ်ပါဖို့။ ပြီးကေ မျက်နှာပြင်ထက်ကို ပြန်ကန်ထွက်လာပါဖို့။ ယင်းချင့်ကို မိုက်ကရိုဖုန်းတိနာင့် ဖမ်းယူပြီးကေ အသံလိုင်း စလားရေ အချိန်နာင့် ပြန်လာရေအချိန်၊ အသံလိုင်းတစ်ခု၏ အမြန်နှုန်း စရေ အချက်အလက်တိကို မှတ်ယူတွက်ချက်လိုက်ကေ အောက်ခံကျောက်တိ၏ အလွှာအလိုက် အဆင့်ဆင့် ဖွဲ့စည်းပုံအသေးစိတ်ကို ရဟိနိုင်ပါရေ။

အဂုအခါမှာ နည်းပညာတိက တစ်ရက်ထက်တစ်ရက်တိုးတက်လာပျာယ်ဖြစ်ပါရေ။ ယေကေလေ့ ဘူမိဗေဒပ ညာရှင်တိက စမ်းသပ်တိုင်းတာမှုလောက်နာင့် အေနိန်ရာမှာ ရီနံဟိရဖို့လို့ အတိအကျတော့ ပြောလို့မရပါသိ။ စမ်းသပ်လေ့လာချက်တိက အေနိန်ရာမှာ ရီနံနာင့် သဘာဝဓာတ်ငွေ့ဟိဖို့လို့ ဇာလောက်ပဲ ညွှန်ပြ ညွှန်ပြ၊ အဂေါင်ဂေါင့်တူးကြည့်ခါ ရီနံမတွိရစွာတိလဲ ဟိပါရေ။ တချို့ရီနံတွင်းတိဆိုကေလည်း ယှာဖို့တောင် မလိုဘဲနာင့် မတော်တဆ တွိကတ်ရပါရေ။ ဥပမာ - ရခိုင်ပြည်မှာ တွိရရေ လက်တွင်းရီနံတွင်းတိပါ။ ယင်းရီနံတိရေ အပေါက်ပါရေ ကျောက်တိကနိန် အထက်ကို ထွက်ကျလာစွာတိ ဖြစ်ပါရေ။ တခါတလီကျကေလည်း ယင်း ကျောက်တိကနိန် အထက်ကို မတက်ဘဲ ဘေးကို ယိုထွက်နိန်စွာတိလည်း ဟိပါရေ။

ယေကေလေ့ ယင်းရီနံတိရေ ရီနံစိမ်းတိရာ ဖြစ်ပါရေ။ ယင်းချင့်တိကို ဓာတ်ဆီ၊ လေယဉ်ဆီစရေ သန့်စင်ဆီတိဖြစ်အောင် ရီနံသန့်စင်စက်ရုံ(Oil Refinery) တိမှာ သန့်စင်ရဖို့သိ ဖြစ်ပါရေ။ ကုန်ကြမ်းပဲ မရောင်းဘဲနာင့် ကိုယ့်နိုင်ငံမှာ ကိုယ် ရင်းနှီးမြှုပ်နှံပြီးကေ သန့်စင်စက်ရုံတိ ဆောက်ပြီးကေ လုပ်ကေ လူတိလည်း အလုပ်ရ၊ အစိုးရလည်း အခွန်ရ၊ ကုန်ချောရောင်းလို့လဲ ဖဲ့ချာပိုရ၊ လူတိလည်း နည်းပညာအကြောင်းပိုနားလည်နာင့် စနစ်တကျ စီးပွားရေး ကဏ္ဍတစ်ရပ် ပေါ်ထွန်းလာဖို့ဖြစ်ပါရေ။ ယင်းအပြင် ရီနံထွက်ပစ္စည်းတိအများအပြားကို ထုတ်လုပ်ပီးလားနိုင်ပါဖို့။ ဥပမာ - ကတ္တရာဆိုစွာရေ ရီနံသန့်စင်စက်ရုံမှာ ကျန်ရစ်ဖို့ အကြွင်းအကျန်ဖြစ်ပါရေ။ ယင်းကတ္တရာကို ကိုယ်ပြည်မှာ ဈီးပပေါချေနာင့် သုံးနိုင်ပါဖို့။ ပြီးကေ လိုင်းထနိန်ရေ ရန်ကုန်-စစ်တွေကား လမ်းကိုလည်း စနစ်တကျချေ ပြန်ပြီးကေ ပြင်နိုင်ပါဖို့။ လမ်းမှာ ကားမှောက်လို့ ဂျောက်ထဲကျလို့ အလားလားအပါးပါး သီနိန်ကတ်ရရေ ရခိုင်ပြည်သူပြည်သားတိ အရေအတွက်ကိုလည်း လျှော့ချနိုင်ပါဖို့။

မှီငြမ်းချက်
1. Cohen, Joel E.; Human Population Grows Up, Scientific American, page 13, September 2005.
2. Freudenrich, Craig.; How Oil Drilling Works, , accessed December 28, 2009.
3. Shwe Gas Movement, Corridor of Power: China's Trans - Burma Oil and Gas Pipelines, , accessed December 28, 2009.
4. Lutgens, Frederick K., Tarbuck, Edward J., Tasa, Dennis, Foundations of Earth Science, 5th Edition, New Jersey, Prentice Hall, 2008.
5. Reader's Digest, How in the World?: A Fascinating Journey Through the World of Human Ingenuity, How they know where to drill for oil, Pleasantville, New York, 1990.

Sunday, December 27, 2009

ကောင်းကင် ဇာကြောင့် ပြာရလဲ

လလင်းကြကြင်းဟိရေနိန့်တိမှာ ကောင်းကင်ကြီးသည် ပြာနိန်တတ်ပါရေ။ ယေကေ ဇာကြောင့်ပြာနိန်ရလဲ။
သမားရိုးကျ ထင်မြင်ချက်ပီးလိုက်စွာထက် ယင်းအမိန်းကို သိပ္ပံနည်းကျကျ ဇာပိုင် ယှင်းလင်းဖြေကြား ကတ်ပါဖို့လဲ။

ကောင်းကင်ပြာရရေကိစ္စက နီရောင်ခြည်တန်းရို့၊ လီထု(Atmosphere)ရို့နာင့် ဆက်စပ်နိန်ပါရေ။ ကမ္ဘာ့လီထုရေ တကယ်တမ်းကျကေ ဓာတ်ငွေ့တိ၊ ကမ္ဘာကိုဝန်းရံထားရေ တခြားအရာတိနာင့် ဖွဲ့စည်းထားစော်ပါ။ အများစုကတော့ ဓာတ်ငွေ့ပါ။ ကမ္ဘာ့လီထု၏ ၉၉ ရာခိုင်နှုန်းရေ နိုက်ထရိုဂျင်နာင့် အောက်စီဂျင် ဓာတ်ငွေ့တိပါ။ နိုက်ထရိုဂျင်က ၇၈ရာခိုင်နှုန်း၊ အောက်စီဂျင်က ၂၁ ရာခိုင်နှုန်းစီပါ။ ယင်းအတွက်ကြောင့် နီက ကျရောက်လာရေ အလင်းတန်းတိရေ ကမ္ဘာ့မျက်နှာပြင်ကို မရောက်ခင် လီထုထဲက အောက်စီဂျင်နာင့် နိုက်ထရိုဂျင် အက်တမ်တိကို ဖြတ်သန်းရပါရေ။ ယင်းခါ ဖြတ်လားရေအလင်းတန်းတိကို အက်တမ်တိက ပြန့်ကြဲစီပါရေ။ အက်တမ် အချင်း(diameter)ရေ ကျရောက်လာရေ အလင်းတန်း လိုင်းအလျား(wavelength)၏ ၁၀ ပုံတစ်ပုံနာင့် ညီမျှပျာယ်ဆိုကေ ပြန့်ကြဲမှုကို စတင်ပါရေ။ (နီရောင်ခြည်တန်း၏ လိုင်းအလျား အရှည်၊ အတိုမှာ မူတည်ပြီးကေ လူ့မျက်စိက ဇာချင့်က အပြာ၊ ဇာချင့်ကအနီ စသဖြင့် ခွဲခြားသိမြင်ခြင်းဖြစ်သည်။) ယင်းပြန့်ကြဲမှုဖြစ်စိုင်ကို “ရဲလေ ပြန့်ကြဲမှု” (Rayleigh scattering)လို့ ခေါ်ပါရေ။

နီရောင်ခြည်၏ အရောင်ရေ အရောင်အမျိုးမျိုးဟိပါရေ။ လိုင်းအလျား ရှည်ကတ်တေ အနီရောင်၊ လိမ္မော်ရောင်၊ အ၀ါရောင်ဟိရေ ရောင်ခြည်တိကို လီထုထဲမှာ ဟိနိန်ရေ အက်တမ်တိက အေလောက် ပြန့်ကြဲမပစ်ပါ။ လိုင်းအလျားတိုရေ အပြာရောင်ရောင်ခြည်တိကို ကျခါ လီထုထဲမှာ ဟိနိန်ကတ်တေ ဓာတ်ငွေ့အက်တမ်တိက စုပ်ယူပြီးကေ အရပ်မျက်နှာဘက်တိုင်းကို ပြန်ပြီးကေ လွင့်ထုတ်ပီးပါရေ။ ယေခါ ယင်းအပြာရောင် နီရောင်ခြည်တိက နိန်ရာအနန့် ပျံ့နှံ့လားပါရေ။ ယင်းအတွက်ကြောင့် လလင်းကြကြင်းနိန့်တိမှာ ကျနော်ရို့ ကောင်းကင်ကို မော့ကြည့်လိုက်တိုင်း တခြားအရောင်တိကို မမြင်ဘဲ အပြာရောင်ကောင်းကင်ကြီးကိုရာ မြင်ရခြင်းဖြစ်ပါရေ။

မှီငြမ်းချက်
1. Science Made Simple, 'Why Is The Sky Blue?', http://www.sciencemadesimple.com/sky_blue.html, accessed December 27, 2009.
2. How Stuff Works, 'Why is the sky blue?', http://science.howstuffworks.com/nature/climate-weather/atmospheric/sky.htm, accessed December 27, 2009.

Saturday, December 26, 2009

“မိုးတော” ဇာကြောင့် အရေးပါရလဲ

မိုးတောဇာကြောင့်အရေးပါလဲဆိုစွာကိုတော့ တခြားလူတိထက် ရခိုင်သားတိက ပိုပြီးကေ သိကတ်ပါဖို့။ ဇာဖြစ်လို့လဲဆိုကေ ရခိုင်သူရခိုင်သားတိအတွက် မိုးတောထဲကနိန်ပြီးကေ လူသုံးကုန်တိ၊ စားစရာတိ အများကြီး ထွက်ဟိလို့ ဖြစ်ပါရေ။ ယင်းအပြင် ဂေဟစနစ်အရလည်း မိုးတောတိရေ အရေးပါပါရေ။ ဇာဖြစ်လို့လဲဆိုကေ မိုးတောထဲမှာ တိရိစ္ဆာန်၊ လူ၊ အပင်တိ တစ်ယောက်ကို တစ်ယောက်အပြန်အလှန် မှီခိုနိန် ထိုင် နိန်ကတ်လို့ပါ။ နောက်တဘက်မှာ ဖြစ်လဲကျင့်သုံး လာရေ စီးပွားကုန်သွယ်မှုစနစ်တိကလည်း တစ် ယောက်နာင့်တစ်ယောက် အပြန်အလှန် မှီခိုမှုကို ပိုပြီးအားပြုစီ ပါရေ။ ဥပမာ-အင်းဂလိပ်စီးပွားရေးပညာရှင် အက်ဒမ်စမစ်(Adam Smith)အစပျိုးခရေ လစ်ဘရယ် စီးပွားရေးစနစ် (Liberal Economics)ရေ ကမ္ဘာမှာ အားကောင်းလာခပါရေ။ လစ်ဘရယ်စီးပွားရေးပညာရှင်တိ က အေပိုင်ခံယူထားစွာကို တွိရပါရေ။ “နိုင်ငံတိုင်းရေ မြီအနေအထားအရသော်လည်းကောင်း၊ လုပ်အား ကျွမ်းကျင်မှုနာင့် လုပ်အားအင်အားသော်လည်းကောင်း၊ ငွေကြေးနာင့် တခြားလူသားအရင်အမြစ်အရသော် လည်းကောင်း ကွဲပြားကတ်သည်။ ယင်းကြောင့်ကုန်ထုတ်ပစ္စည်းတစ်ခုကို တခြားနိုင်ငံတိထက် ပိုမိုကောင်းမွန် အောင်ထုတ်လုပ်နိုင်ရေ နိုင်ငံတစ်နိုင်ငံသည် ယင်းပစ္စည်းကို အားပြုထုတ်လုပ်သင့်သည်။ ယင်းပိုင်ပျာယ် တခြား နိုင်ငံတိကလည်း မိမိရို့ကျွမ်းကျင်စွာ အကောင်းဆုံးထုတ်လုပ်နိုင်သည့် ကုန်ပစ္စည်းကို အလေးထားထုတ်လုပ်ပြီး ကမ္ဘာ့ဈီးကွက်မှာ အပြန်အလှန်ဖလှယ်သင့်ကြသည်။ အေပိုင် နိုင်ငံတကာ ကုန်သွယ်ဖလှယ်မှုကသာလျှင် အကောင်းမွန်ဆုံး ကုန်ပစ္စည်းတိကို ရဟိနိုင်ပြီး ကမ္ဘာ့အနှံ့ချမ်းသာကြွယ်ဝမှုကို ဆောင်ကြဉ်းပီးနိုင်ပေမည်။” ဆိုလိုစွာက ဆော့ဝဲလ်ကို လုံခြုံကောင်းမွန်စွာ ထုတ်လုပ်နိုင်ရေ အမေရိကန်ပြည်ထောင်စုက ဆော့ဝဲလ်မျိုးစုံကို ထုတ်လုပ်ပြီးကေ ဆန်ထုတ်လုပ်ဖို့ ရီခံမြီခံကောင်းရေ ထိုင်းနာင့်ဗီယက်နမ်နိုင်ငံတိက ဆန်ကိုအားပြုပြီး ထုတ်ပါရေ။ ပြီးမှ အပြန်အလှန်တင်ပို့ရောင်းချခြင်းနာင့် စီးပွားယှာကတ်ပါရေ။

ယေခါ မိုးတောထဲက ထွက်ဟိရေ ကုန်ပစ္စည်းတိကို မိုးတောမဟိရေ ဒေသတိကို တင်ပို့ရောင်းချကတ်ပါရေ။ ဥပမာ- အက်ကွေဒေါ (Ecuador)နိုင်ငံက ငှက်ပျော်သီးတိကို အမေရိကန်ပြည်ထောင်စုကို တင်ပို့ကတ်ပိုင်ပါ။ (ငှက်ပျော်သီးကို အရှေ့တောင်အာရှက မိုးတောထဲမှာ စတင်တွိဟိစွာလို့ သိရပါရေ။) ယင်းပိုင်ပျာယ် မိုးတောက ထွက်တေ တခြားစားကုန်တိလည်း အများကြီးဟိပါရေ။ သီဟိုစေ့ကို အလယ်ပိုင်းနာင့် တောင်အမေ ရိကတိုက်က အများကြီး ထုတ်ပါရေ။ ချောကလစ်ထုတ်လုပ်ဖို့လိုအပ်တေ အစေ့တစ်မျိုးကို မိုးတောထဲမှာ ပေါက်တေ ကကေးအို(cacao)ပင်က ရဟိပါရေ။ (အယင်ခါကတည်းကပင် ရှေးဦး တိုင်းရင်းသားတိက ကကေးအိုပင်ကို အမေဇုံတောအုပ်ထဲမှာ စတင်တွိဟိခပြီးကေ ယင်းကကေးအိုပင်က ရရေ အစေ့ကို အမှုန့်လုပ်ဂတ်ပါရေ။ ယင်းအစေ့မှုန့်ကို ကိုကိုးမှုန့်လို့ ခေါ်ပါရေ။ ယင်းကိုကိုးမှုန့်ကို သကြားနာင့် ရောပလိုက်ကေ ချောကလစ်မှုန့်ဖြစ်လားပါရေ။ အယင်ခေါက် စပိန်လူမျိုးတိ အမေရိကတိုက်ကို အခြေချဖို့ လာဂတ်တေခါ မက်စီကိုနယ်က ဒေသခံတိုင်းရင်းသားတိရေ ယင်းအမှုန့်နာင့် ဖျော်ထားရေ အရည်ခါးခါးက သောက်သုံးနိန်ဂတ်စွာကို တွိရရေလို့ မှတ်တမ်းတင်ထားခဖူးပါရေ။)

ယင်းပိုင်ပျာယ် တခြားမိုးတောထဲက အပင်တိကိုလည်း ဆေးဝါးထုတ်လုပ်ဖို့ အသုံးပြုကတ်ပါရေ။ ငှက်ဖျားရော ဂါကို ကုသရေ ကွီနိုင်(Quinine)ဆီးတစ်မျိုးကို မိုးတောထဲမှာဟိရေ အပင်တစ်မျိုး၏ အခေါက်ကနိန် ထုတ်လုပ် တေလို့ သိရပါရေ။ ကင်ဆာရောဂါကူး ဆီးစွမ်းကောင်းတစ်လက်ကိုလည်း မဒါဂတ်စကားနိုင်ငံက မိုးတောထဲမှာ ပေါက်တေ ပယ်ရီဝင်ကယ်လ် (Periwinkle)လို့ ခေါ်ရေ အမြဲစိမ်းအပင်တစ်ပင်က ရဟိပါရေ။ သိပ္ပံပညာရှင်တိ က မိုးတောထဲက သူရို့မသိ သိရေ အပင်တိကို လေ့လာအသုံးချပြီးကေ ကင်ဆာနာင့် တခြားရောဂါတိကို ကုသနိုင်ဖို့လို့ မျှော်လင့်နိန်ကတ်ပါရေ။

မိုးတောထဲကကျေးပျာယ် တခြားသစ်အမျိုးအစားတိကိုလည်း ထုတ်ယူနိုင်ပါရေ။ ဥပမာ- မဟော်ဂနီ၊ ကျွန်းသစ်၊ လှပရေ ပရိဘောဂထည်တိထုတ်လုပ်စွာမှာ သုံးရေ rosewood စရေ သစ်ပင်တိပါ။

လစ်ဘရယ်စီးပွားရေးစနစ်သစ်ကြောင့် စီးပွားဖြစ်အပြန်အလှန်မှီတွယ်နိန်ကတ်ရရေအပြင် သဘာဝပတ်ဝန်း ကျင် ဂေဟစနစ်အရလည်း အပြန်အလှန်အကျိုးပြုနိန်ကတ်ရပါရေ။ ဥပမာ-စက်ရုံအလုပ်ရုံတိက ထုတ်လုပ် လိုက်တေ ကာဗွန်ဒိုင်အောက်ဆိုဒ်တိကို အပင်တိက စုပ်ယူသန့်ရှင်းပီးပါရေ။ တကယ်လို့ ကာဗွန်ဒိုင်အောက် ဆိုဒ်ထုတ်လုပ်မှုက မလျော့ဘဲနာင့် မိုးတောထဲမှာ ဟိရေ အပင်တိရာ ခုတ်ထွင်ရှင်းလင်းလို့ လျော့လားခကေ ကမ္ဘာကြီးက ပိုပြီးကေ ပူလာဖို့ ဖြစ်ပါရေ။ ယေခါ ရီးခဲတိ ပိုပျော်လာခြင်း၊ ပင်လယ်ရီမျက်နှာပြင်မြင့်တက်လာ ခြင်းနာင့် တခြား မလိုလားအပ်တေ ဘေးအန္တာရယ်တိကို ကျရောက်စီနိုင်ပါရေ။

အဂုလက်ဟိအနေအထားအရ မိုးတောတိရေ တစ်ရက်ထက်တစ်ရက် ပြုန်းတီးလာစွာကို တွိရပါရေ။ နိန့်တိုင်းဆိုရေပိုင် မိုးတောထဲက သစ်ပင်တိကို စီးပွားဖြစ်သစ်ထည်တိရဟိဖို့ ခုတ်လဲနိန်ကတ်ပါရေ။ ငှက်ပျောပင်နာင့် တခြားစားပင်သီးပင်တိစိုက်ဖို့ဆိုပြီးကေ တချို့ကလည်း တောကို ယှင်းပလိုက်ကတ်ပါရေ။ အပင်တိကို ခုတ်လဲပြီးကေ လမ်းဖောက်ကတ်ပါရေ။ ယင်းကုန်ထုတ်ကဏ္ဍမှာ လုပ်ကိုင်ကတ်တေ လူတိနိန် ထိုင်ဖို့ မြို့ရွာအသစ်တိကို ဆောက်လုပ်ကတ်ပါရေ။ ယေဇူးနာင့် တောပြုန်းပါရေ။ တချို့ဆိုကေ အပင်တိကို ခုတ်ရုံမက မီးပါတိုက်ပလိုက်ပါရေ။ အပင်တိလဲလို့ ကာဗွန်ဒိုင်အောက်ဆိုဒ်စုပ်ယူမှုနည်းရုံမက ကာဗွန်ဒိုင် အောက်ဆိုဒ်ကိုပါ ထပ်ပြီးကေ ထုတ်ပလိုက်ကတ်ပါသိရေ။

မိုးတောလို့ ဆိုရေပိုင် မိုးတောတိရေ မိုးရီအများကြီးရဟိပါရေ။ အမေဇုံတောတစ်ခုတည်းကပင် ကမ္ဘာ့မိုးရီ ထက်ဝက်ကျော်ကို သိုလောင်ပီးထားပါရေ။ မိုးတောထဲက အပင်တိရေ ရီကို မြီးကြီးထဲက စုပ်ယူပြီးကေ လီထုထည်ကို မိုးတိမ်တိ၊ မြူတိအဖြစ်နာင့် ပြန်ပြီးကေ ထုတ်လွှင့်ပီးပါရေ။ မိုးတောထဲက အပင်တိရေ မြီကြီးတိုက်စားခြင်းကိုလည်း ကာကွယ်ပီးထားပါရေ။ ကနိုပီတိက မိုးရွာလို့ကျလာရေရီတိ မြီသားနာင့် ဒိုက်ရိုက်ထိပြီးကေ တိုက်စားမှုမဟိအောင် ကာကွယ်ထားပါရေ။ တချိန်တည်းမှာပဲ အပင်မြစ်တိကလည်း မြီကြီးကို ဖက်ဆုပ်ထားပြီးကေ မြီသားလွှင့်ပါမလားအောင် ကာကွယ်ပီးပါရေ။ မိုးတောထဲက မြီသားရေ အေလောက် အာဟာရဓာတ်မများပါ။ အာဟာရဓာတ်အများစုက အပင်တိထဲမှာရာ သိုလှောင်ပြီး ဟိနိန်တတ် ပါရေ။ အပင်တိသီကျလားကေတောင်မှ ယင်းအပင်သီတိက မြီထက်မှာပဲ ဆွေးမြည့်ပြီးကေ နောက်အပင်တိ ရှင်သန်ဖို့အတွက် အာဟာရဓာတ်တိကို ပီးပါရေ။ တကယ်လို့ အပင်တိပြုန်းတီးလားကေ နောက်ထပ်အပင်တိ ရှင်သန်မှုအားနည်းပနာ မြီသားတိုက်စားမှုကို အားကောင်းစီပါဖို့။ ကျလာရေရီတိကို ဆုပ်ကိုင်ထားဖို့ အပင်တိလည်း မဟိပျာယ်ဖြစ်လို့ ယင်းရီတိရေ မြီသားတိကို ယူဆောင်ပျာယ် ချောင်းတိ၊ မြစ်တိ၏ အောက်ပိုင်းဒေသတိကို လျှပ်တပြက် ရီလွှမ်းမိုးခြင်းတိကို ဖြစ်ပေါ်စီပါဖို့။ ယေခါ ပြည်သူတိ၊ တိရိစ္ဆာန်တိ၏ အသက်အိုးအိမ်စီးစိမ်တိကို ပျက်စီးဆုံးရှုံးစီပါဖို့။ ယင်းပိုင်ပျာယ် အပင်တိမဟိကေ သတ္တ၀ါတိ နိန်ထိုင်ဖို့ နိန်ရာ ပျောက်လားပြီးကေ ရှင်သန်ဖို့ ခက်ခဲလာပါဖို့။ လူအပါအ၀င် တခြားသတ္တ၀ါတိ၏ စားရေးသောက်ရေးကို အခက်ကြုံစီပါဖို့။ တိရိစ္ဆာန်တိ၏ အကောင်ရေ နည်းပါးလားစီပါဖို့။ ယင်းအတွက်နာင့် မိုးတောရေ ဂေဟစနစ်တစ်ခုထဲမှာ တစ်ဦးကိုတစ်ဦး ကိုင်းကျွန်းမှီ၊ ကျွန်းကိုင်းမှီ အပြန်အလှန်မှီခိုနိန်ကတ်တေ အပင်တိ၊ တိရိစ္ဆာန်တိ၊ လူတိအတွက် အရေးပါလှပါရေ။ မိုးတောထဲက သယံဇာတတိကို ရေရှည်စားနိုင်သုံးနိုင်ဖို့အတွက် တတ်နိုင်သလောက် စနစ်တကျ ကာကွယ်ထိန်းသိမ်းမှုတိ ပြုလုပ်သင့်ပါရေ။

မှီငြမ်းချက်
1. Stille, Darlene R.; 'Tropical Rain Forests', Grolier Publishing, Canada, 1999.
2. Rainforest Cocern, 'Why Are Rainforests Important?", accessed December 26, 2009.

Wednesday, December 23, 2009

“မိုးတော”ဆိုစွာက .....

အကျွန်ရို့ရခိုင်ပြည်မှာ လူသူမပေါက်တေ နိန်ရာတိကို ရောက်ကေလေ့ အစာရီစာပြတ်ပြီးကေ သီဖို့ဆိုစွာက ကောင်းမလွယ်ပါ။ ဇာကြောင့်လဲဆိုကေ ရခိုင်မြီရေ ဗျာဒိတ်တောမြီလို့ ဆိုကတ်တေအတိုင်း ရခိုင်မြီကို အမှီသဟဲပြုပြီးကေ ပေါက်ရောက်နိန်ရေ စားစရာအပင်တိ ပေါရေပိုင် ရခိုင့်ရီနာင့် ကုန်းမြီမှာ နိန်ထိုင်ကတ်တေ သတ္တ၀ါတိလေ့ အများကြီးဟိလို့ပါ။ ကိုယ့်ပြည်မှာဟိခါက ဆံတော်ရှင်ဘုရားပွဲကိုအလားမှာ တောင်တက်ခရစွာကို သတိရမိပါယင့်။ လမ်းတလျှောက်မှာ ပေါက်ရောက်နိန်ကတ်စော်အပင်တိ။ အနည်းဆုံး ငှက်ပျောသီးစားပြီးကေတောင် နိန်လို့ရပါရေ။ လမ်းပျောက်ပြီးကေ အစာငတ်ပြတ်ဖို့စော် ပူဖို့မလိုပါ။ ခြေတော်ရာဘက်ကို လားလခကေလေ့ ကြံပင်တိ၊ ဇသီးပင်တိ။ နိန်ရာတိုင်းရေ ရခိုင်ပြည်ပိုင် အေပိုင်ရီခံမြီခံ ကောင်းစွာ မဟုတ်ပါ။ ဥပမာ၊ အမေရိကန်ပြည်ထောင်စုက မြောက်ကယ်ရိုလိုင်းနား ပြည်နယ်မှာဆိုပါဖိ။ ယင်းပြည်နယ်ရေ သစ်ပင်တိနာင့် စိမ်းလန်းလှရေ ပြည်နယ်တစ်ခုဖြစ်ပါရေ။ ယေကေလေ့ ယင်းသစ်အုပ်တောအုပ်ထဲကို လားခီလို့ စားစရာ ယှာတွိဖို့ ဆိုစွာက ကောင်းမလွယ်ပါ။ သမင်ကိုသစ်အုပ်ကြားထဲမှာတွိလို့ ပစ်သတ်ပြီးကေ စားဖို့ဆိုကေတော့ တစ်မျိုးပါ။ ပစ်ခွင့်မဟိရေ နိန်ရာမှာ လားပစ်ခီကေတော့ ထောင်ကျဖို့ရာ ပျင်လီပါဖိ။ ဆိုလိုစွာက ရခိုင်ပြည်ရေ အပင်မျိုးစုံတိ၊ ပန်းမျိုးစုံတိ၊ သားရဲတိရိစ္ဆာန်တိ ပေါများရေ ဒေသဖြစ်ပါရေ။ ဇာဖြစ်လို့လဲဆိုကေ ”အပူပိုင်းမိုးတော“ (Tropical Rain Forest)ဟိရေ ဒေသဖြစ်လို့ပါ။ ကမ္ဘာမှာဟိရေ အပင်နာင့် တိရိစ္ဆာန်မျိုးစုတိ၏ ထက်ဝက်လောက်ရေ ကမ္ဘာ့မြေမျက်နှာသွင်ပြင်၏ ၆ ရာခိုင်နှုန်း (အထက်ပုံပါ အစိမ်းရင့်ရောင်ခြယ်ထားရေ ဒေသတိ)လောက်ပဲဟိရေ အပူပိုင်းမိုးတောတိထဲမှာ နိန်ထိုင်ကတ်ပါရေ။

ယေကေ မိုးတောဆိုစွာက တခြားတောတိနာင့် ဇာကွာလဲ။ ကွာစွာကတော့ မိုးတောလို့ ခေါ်ရေပိုင် မိုးအများကြီးရလို့ပါ။ အကျွန်ရို့ရခိုင်ပြည်ပိုင် အနောက်တောင်မုတ်သုန်မိုးကောင်းရေ ဒေသတိပိုင်ပါပျာယ်။ မိုးတောတိရေ အအီးပိုင်းဒေသမှာလေ့ ပေါက်နိုင်ပါရေ။ ဥပမာ- အမေရိကန်ပြည်ထောင်စု၏ အနောက်မြောက်ဘက်မှာဟိရေ တောတိကို evergreen rain forests “အမြဲစိမ်းမိုးတော” လို့ ခေါ်ကတ်ပါရေ။ အီကွေတာနားတလျှောက်က အပူပိုင်းမိုးကောင်းဒေသတိမှာ ပေါက်တေတောတိကို “အပူပိုင်းမိုးတော”လို့ ခေါ်ကတ်ပါရေ။ အထက်ပုံမှာ ဖော်ပြထားရေ အတိုင်း အာဖရိက၊ အလယ်ပိုင်းနာင့် တောင်ပိုင်းအမေရိကတိုက်၏ တစိတ်တဒေသမှာ အပူပိုင်းမိုးတောတိပေါက်နိန် စော်ကို တွိကတ်ရဖို့ဖြစ်ပါရေ။ သြစတြေးလျတိုက်၏ မြောက်ဘက်စွန်းချေမှာလည်း အပူပိုင်းမိုးတောအချို့ကို တွိနိုင်ပါရေ။ အာရှတိုက်မှာဆိုကေ အိန္ဒိယ၏အရှေ့မြောက်ပိုင်းကနိန်၊ ဘင်းဂလားဒေ့ရှ်၊ ရခိုင်ကမ်းမြောင်ဒေသကနိန်တဆင့် ထိုးဘက် မလေးရှား၊ ဂျာဗားနာင့် ဘော်နီယိုကျွန်းစုအထိ အပူပိုင်းမိုးတောတိ တည်ဟိနိန်ကတ်ပါရေ။ ဘင်းဂလားဒေ့ရ်ှဆိုကေ ကမ္ဘာမှာ ပြားတော(mangrove forests)အများဆုံးဟိရေ ဒေသဖြစ်ပါရေ။ ကမ္ဘာ့အကြီးဆုံး အပူပိုင်းမိုးတောဟိရေဒေသ ကတော့ကေ အမေဇုံ (Amazon)တောအုပ်ကြီး ဖြစ်ပါရေ။ ကမ္ဘာ့ဒုတိယအရှည်ဆုံးမြစ်ဖြစ်တေ အမေဇုံမြစ်၏ မြစ်ဝှမ်းဒေသနာင့် ယင်းမြစ်လက်တက်တိ ၀န်းကျင်မှာ ပေါက်ရောက်နိန်ရေ ယင်းတောအုပ်ကြီးရေ ကမ္ဘာ့အပင်နာင့်ငှက်တိ၏ ငါးပုံတစ်ပုံစာအတွက် နားခိုရေ အသိုက်အမြုံကြီးတစ်ခုလေ့ ဖြစ်ပါရေ။ ယင်းဒေသမှာပဲ ကမ္ဘာ့နို့တိုက်သတ္တ၀ါ(mammal)၏ ၁၀ပုံ ၁ပုံစော်လည်း နိန်ထိုင်ကတ်ပါရေ။

မိုးသစ်တောသို့အလည်တစ်ခေါက်
တောဆိုလို့ တိရိစ္ဆာန်တိ အော်သံတိနာင့် လွှမ်းပြီးကေ ဆူနီစွာမဟုတ်ပါ။ ကောင်းတိတ်ဆိတ်လှပါရေ။ မြီမျက်နှာက စွတ်စိုနိန်ပြီးကေ မြီ၏ အထက်အလွှာပိုင်းမှာ ကျုပ်(ရွှံ)တိများတတ်ပါရေ။ ပင်စည်အကြီးသန်နာင့် အပင်တိဟိပြီးကေ ယင်းအပင်မှာပျာယ် အပင်ချေတိ ပေါက်နိန်စွာကိုလည်း တွိကတ်ရပါဖို့။ အပင်တိက ရှည်ပြီးကေ အကိုင်းတိကနိန်ပြီးကေ နွယ်ကြိုးတိ တွဲလောင်းကျ နိန်တတ်ပါရေ။ အပင်ထိပ်က အရွက်အခက် တိရေ နီရောင်ခြည်ကို ကာကွယ်နိန်ပါဖို့။ ယင်းပိုင်သျှောင် အလင်းနည်းပြီးကေ အရိပ်ရနိန်တတ်ပါရေ။ သစ်ပင်ထက်တိမှာ ငှက်မျိုးစုံတိလေ့ နားခိုနိန်ကတ်ပါဖို့။ ဥပမာ-အလယ်ပိုင်းအမေရိကတိုက်က ဘလိစ်(Belize)နိုင်ငံမှာဟိရေ မိုးတောတိထဲမှာဆိုကေ အ၀ါရောင်ခေါင်းထိပ်ချေပါရေ ကြက်တူရွေးတိ အပင်ထက်မှာ စခန်းချနိန်တတ်ပါရေ။ ယင်းပိုင်ပျာယ် ပိုးစုန်းကြူးတိ၊ ကကောင်းငယ်လွန်းရေ ပိုးမွှားတိလေ့ အများကြီးတွိရပါဖို့။ တခြားတိရိစ္ဆာန်တိဆိုကေလည်း အမြင့်မှာ ၀ှက်နိန်ကေ၀ှက်၊ မ၀ှက်ကေ မြီအောက်မှာဝှက်နိန်ကတ်ပါလိမ့်မေ။

အပူပိုင်းမိုးတောဟိ တိရိစ္ဆာန်တိ
အထက်မှာ ဖော်ပြခရေပိုင် မိုးတောထဲမှာ တိရိစ္ဆာန်အမျိုးအစားတိ အများကြီးနိန်ထိုင်ကတ်ပါရေ။ ဖားတိ၊ ပင့်ကူတိက အရွက်တိကိုကာပြီးကေ ၀ှက်နိန်ကတ်ပါလိမ့်မေ။ မြွေတိကလေ့ မြီကြီးထက်မှာ တရိရိ လားနိန်ပြီးကေ တချို့ကလည်း ပင်စည်တိကို ပတ်ထားတတ်ပါရေ။ ပရွက်ဆိတ်၊ ကြံပိုး (beetle)၊ ခြ(termite)တိကလည်း သစ်ခေါက်နာင့် မြီးသားတိထဲမှာ နိန်ထိုင်နိန်တတ်ပါရေ။ အရွက်တိကိုဦးစားပီးစားရေ slothလို့ခေါ်ရေ မျောက်တစ်မျိုး၊ ပရွက်ဆိတ်နာင့် ခြတိကို ဦးစားပီးစားရေ anteater သတ္တ၀ါတိကလည်း အပင်ထက်တိမှာ တွဲလောင်းခုန် ကဇတ်နိန်ကတ်ပါဖို့။ တောဝက်တိကလည်း အပင်မြစ်ချေတိကို နှာခေါင်းနာင့် ချခရွာပြန်အောင် လှန်ပြီးကေ အစာယှာနိန်စွာကိုလည်း တွိကတ်ရပါဖို့။ မျောက်နာင့် စိုင်းစားဥာဏ်ဟိရေ တခြားတိရိစ္ဆာန်တိလည်း မိုးတောထဲမှာ နိန်ကတ်ပါရေ။ အလယ်ပိုင်းနာင့် တောင်ပိုင်းအမေရိကတိုက်တိမှာ ဆိုကေ အကောင်ငယ်ရေ ပင့်ကူမျောက်တိနာင့် မျက်ဖြူမျောက်တိကိုလည်း အပင်ထိပ်တိမှာ တွဲလောင်းခိုလို့ တွိရပါဖို့။ ယင်းပိုင်ပျာယ် ကြက်တူရွေးနာင့်အရောင်မျိုးစုံ ငှက်တိ၊ အာဖရိကတိုကမှာဆိုကေ ကောင်းသန်ရေ ဂေါ်ရီလာတိနာင့် ချင်ပန်ဇီတိ၊ မဒါဂတ်စကား(Madagascar)နာင့် ကိုမိုရိုစ်ကျွန်းစု(Comoros)မှာဆိုကေ ကြောင်ချေတိပုံစံဟိရေ အမွှီးဖဖွားနာင့် လန်မာ (Lemur)သတ္တာဝါတိကိုလည်း တွိကတ်ရပါဖို့။

မိုးသစ်တောထဲမှာဟိရေ မြစ်တိဆိုကေလည်း သက်ဟိသတ္တ၀ါတိနာင့် ပြည့်လျှံနိန်စွာကိုလည်း တွိရပါရေ။ အီလက်ထရစ် ငါးရှဉ့်ရှည်တိက သူ့ရို့ကိုယ်ကနိန်ပြီးကေ အီလက်ထရစ်(electric)ဓာတ်တိကို အစာယှာစွာမှာသော်လည်းကောင်း၊ ကိုယ့်ကိုယ်ကို ကာကွယ်စွာမှာလည်းကောင်း သုံးစွာကိုလည်း တွိရပါဖို့။ ပိုင်ရန်းဟတ်စ်(Piranhas)လို့ခေါ်ရေ ကကောင်းချွန်ရေ သွားဟိရေ ငါးတစ်မျိုးကိုလည်း တွိရပါဖို့။ အထူးသဖြင့် အမေဇုံတောထဲက ကန်တိနာင့်မြစ်တိထဲမှာ ယင်းငါးတိ အနိန်များပါရေ။ ညဉ့်ခါကျကေတော့ခါ မိုးတောက ပိုပြီးကေ အသက်ဝင်လှုပ်ယှားလာစွာကိုလည်းတွိရပါရေ။ အရေအတွက် သန်းကျော်ဟိရေ ပိုးမွှားချေတိက လီထက်မှာ ယိမ်းကလို့၊ ပိုးဖလံ (moth)တိက ပန်းဝတ်ရည်တိကို သောက်သုံးလို့၊ လင်းဆွဲတိက နိန်ခင်းအိပ်ချိန်ကနိန်နိုးထပြီးကေ အစာယှာခရီးကို ထွက်ခွာပျံသန်းနိန်ကတ်စွာကိုလည်း တွိရပါဖို့။

အမေရိကတိုက်က ကျားသစ်(jaguar)တိဆိုကေ မြီထက်မှာ လားနိန်ကတ်တေ တောဝက်တိ၊ တခြားနို့တိုက်သတ္တ၀ါတိကို လိုက်လံယှာဖွေစားသောက်တတ်ပါရေ။ အာရှနာင့် အာဖရိကတိုက်က ကျားသစ်(leopard)တိကျခါတော့ကေ အပင်ထက်တိကို တက်ပြီးကေ မျောက်တိ၊ ငှက်တိနာင့် မြွေတိကို လိုက်ယှာစားသုံးကတ်စွာကို လေ့လာသိဟိရပါရေ။

အပူပိုင်းမိုးတောဟိ အပင်တိ

အထက်မှာ ဖော်ပြခရေပိုင် အပူပိုင်းမိုးတောထဲမှာ အပင်အမျိုးအစားတိ အများကြီးပေါက်ရောက်ရှင်သန်ကတ်ပါရေ။ တချို့အပင်တိရေ ကြီးမားပြီးကေ အမြင့်ဆိုစွာလည်း အထပ်၂၀ တိုက်တိလောက်ဟိပါရေ။ ယင်းပိုင်ရှည်နိုင်စွာကလည်း အပင်မှာဟိရေ အခေါက်တိက ကောင်းထူလို့ပါ။ အပင်ကြီးကို မှီခိုပြီးကေ ပေါက်နိန်ရေ အပင်ချေတိကို ယေဘုယျအားဖြင့် လီပင်(air plant)လို့ ခေါ်ကတ်ပါရေ။ ဥပမာ သစ်ခွပန်းတိပါ။ သစ်ခွပန်းတိရေ မိုးတောထဲမှာဟိရေ အပင်အကိုင်းအခက်တိထက်မှာ ရှင်သန်ရေ လီပန်း တစ်မျိုးဖြစ်ပါရေ။ အပင်အများကြီးရေ ရှင်သန်ဖို့အတွက် မြီးကြီးကနိန်ပြီးကေ ရီနာင့် တခြားအာဟာရတိကို စားသုံးရပါရေ။ ယေကေလေ့ ယင်လီပင်တိကျရေခါ ရီကို လီထုထဲက ရယူသုံးစွဲပါရေ။ ယင်းပိုင်ပျာယ် အစားအစာတိကိုလည်း လီက သို့မဟုတ် အနားမှာ ပုပ်သိုးနိန်ရေ အပင်အဆွီးအကျန်တိက နိန်တဆင့် ရယူစွာကို တွိရပါရေ။ သစ်နွယ်(woody vine)ခေါ်ရေ အသားထူထူနွယ်ပင်တိဆိုကေလည်း အပင်ကနိန်တွဲလောင်းကျမနိန်ဘဲ နာင့် ယင်းပင်မအပင်ကို ရစ်ခွယ်ပတ်ထားစွာကိုလည်း တွိရတတ်ပါရေ။

မိုးတောထဲက အလွှာတိ
မိုးတောတစ်ခုမှာ သူ့အမြင့်အလိုက် အလွှာတိ ဟိပါရေ။ အမြင့်ဆုံးမှာဟိရေ အပင်ထိပ်က သစ်ရွက်တိဟိနိန်ရေ အလွှာကို ကနိုပီ(canopy)အလွှာလို့ ခေါ်ပါရေ။ တိရိစ္ဆာန်အများစုရေ ယင်းကနိုပီအလွှာမှာ နိန်ထိုင်ကတ်စွာကို တွိရပါရေ။ ယင်းအောက်ကအလွှာကို understory လို့ခေါ်ကတ်ပါရေ။ တနည်းအားဖြင့်ဆိုကေ အလယ်လွှာပါ။ ယင်းမှာ ပင်စည်တိ၊ လီပင်တိနာင့် သက်ငယ်အပင်တိကို တွိရပါရေ။ အောက်ဆုံးအလွှာကတော့ခါ ကြမ်းပြင်အလွှာပါ။ ကြီးပြင်မှာ ပေါက်ရောက်တေ အပင်အမျိုးအစားတိက အေလောက် မများပါ။ ဇာဖြစ်လို့လဲဆိုကေ မိုးတောထဲက မြီးသားရေ ပါးလွန်းနိန်လို့ပါ။ နီရောင်ခြည်ရမှုလည်း အားနည်းပါရေ။ ယင်းအတွက်နာင့် မိုးတောထဲက မြီကြီးထက်မှာ တချို့အပင်တိကလွဲလို့ များသောအားဖြင့် သီနိန်ရေ အပင်တိကိုရာ တွိရစွာများပါရေ။ မိုးတောထဲမှာ ပေါက်ရောက်နိန်ကတ်တေ အပင်တိ၏ အမြစ်ရေ မြီအောက်ကို အများကြီးထိုးဝင်မနိန်တတ်ပါ။ ယင်းပိုင်သျှောင် ရီနာင့်အစားအစာအများစုကို အထက်မြီသားပါးချေကနိန် အဓိကရဟိစွာကိုလည်း လေ့လာတွိဟိရပါရေ။

မှီငြမ်းချက်
1. California Institute of Technology, 'Where are the Rainforests?', , accessed on December 20, 2009.
2. Stille, Darlene R.; 'Tropical Rain Forests', Grolier Publishing, Canada, 1999.
3. Wikipedia, 'Jaguar', , accessed December 22, 2009.
4. Wikipedia, 'Leopards', , accessed December 22, 2009.
5. Consumer Energy Report, 'Electric eel can provide a charge to the World's Energy Problems' , accessed December 22, 2009.

Friday, December 18, 2009

မိုးတိမ်တစ်ခုမှာ ရီဇာလောက်ပါလဲ

မိုးတိမ်အမျိုးအစားမှာ မူတည်ပြီးကေ ရီဇာလောက်ပါလဲဆိုစွာ ကွဲပြားပါရေ။ ဥပမာ-သာမန် အလျား၊ အနံ မီတာ ၃ ထောင်(၂မိုင်) စီနာင့် အမြင့် မီတာ ၁ သောင်းဟိရေ မိုးတိမ်တစ်ခုဆိုပါဖိ။ ယင်းမိုးတိမ်ရေ မိုးတိမ်အမျိုးအစားတိထဲက cumulonimbus (အထက်ပုံပါအတိုင်း)လို့ ခေါ်ရေ မိုးတိမ်ချေတိစုပြီးကေ သိပ်သည်းလာရေ မိုးတိမ်အမျိုးအစားဆိုပါဖိ။ တကယ်လို့ ကုဗမီတာ ၁ မီတာစီဟိရေမိုးတိမ်ထုထည်မှာ သုညဒသမ ၅ ကုဗစင်တီမီတာစီ ရီဟိကေ ယင်းမိုးတိမ်တစ်ခုလုံးမှာ ရီစုစုပေါင်း ၄၅ ကုဋေ ကုဗစင်တီမီတာ ဟိဖို့ဖြစ်ပါရေ။ တနည်းအားဖြင့်ဆိုကေ ရီကန်ချေတစ်ကန်ကို ပြည့်လျှံနိုင်လောက်တေ ရီဂါလံ ၁၃ သန်းကို မိုးအဖြစ်ထုတ်လုပ်ပီးနိုင်ဖို့ဖြစ်ပါရေ။

*ဓာတ်ပုံ။ ။ http://blogs.sun.com/staso/resource/cumulonimbus-cloud-akbhhf-sw.jpg

Wednesday, December 16, 2009

နယူးကလီးယား စွမ်းအင်

အကျွန်ရို့အချေခါက သိပ္ပံဘာသာရပ်မှာ သင်ခရပါရေ။ “အရာဝတ္တုအားလုံးကို ကောင်းအားကောင်းရေ မှန်ဘီလူးပါမှမြင်နိုင်ရေ၊ ကောင်းငယ်ရေအက်တမ်တိနာင့် ဖွဲ့စည်းထားရေ”လို့ သင်ခရပါရေ။ ယင်းချင့်ကို လူတိုင်းမှတ်မိကတ်ဖို့လို့ ထင်ပါရေ။ ယင်း ကကောင်းငယ်ရေ အက်တမ်၏ ခလယ်ဂေါင်မှာ နယူးကလီးယား(nucleus) ဟိရေဆိုစွာကိုလည်း သိကတ်ပါဖို့။ ယင်းနယူးကလီးယား ခလယ်ဂေါင်မှာ ဆက်လက်တည်မြဲတည်ဟိနိန်ဖို့ အလွန်တရာမှ အားကောင်းရေ အားတိက ထိန်းချုပ်ထားပါရေ။ ယင်းတွက်ကြောင့်လည်း နယူးကလီးယားကို ထက်ခြမ်းခွဲလိုက်ကေ အားတိအများကြီးပါရေ စွမ်းအင်ကို ထုတ်လွင့်ပီးပါရေ။ နယူးကလီးယားတစ်လုံးတည်းက ထုတ်လွတ်စွာ စွမ်းအင်တောင် ကကောင်းများပါရေ။ ယင်းပိုင်ပျာယ် နယူးကလီးယားအလုံးပေါင်းများစွာကို စိတ်ခြမ်းလိုက်ပြီးကေ ထုတ်လွှတ်လိုက်တေ စွမ်းအင်တိကို စုဆောင်းထားလိုက်ကေ လုပ်ငန်းကိစ္စတစ်ခုခုကို လည်ပတ်ပြီးမြောက်နိုင်ဖို့ “နယူးကလီးယား ဓာတ်အား” (nuclear power) ကို ရဟိပါရေ။

နယူးကလီးယားကို စိတ်ခြမ်းခြင်း
နယူးကလီးယားကို ဇာပိုင်စိတ်ခြမ်းလဲဆိုစွာကို ယှင်းပြဖို့အတွက်ကတော့ အခြေခံ အက်တမ်ဖွဲ့စည်းပုံကို စိကေချေ သိထားဖို့တော့ လိုပါဖို့။ (ဓာတုဗေဒ ကောင်းဆန်လားနိုင်လို့ စိတ်ရှည်ရှည်နာင့် ဖတ်ဖို့တော့ လိုပါဖို့။) အက်တမ်တစ်လုံးစီမှာ အီလက်ထရွန်တိ (electrons)နာင့် နယူးကလီးယားတစ်လုံးစီပါစော်ကို လူတိသိကတ်ပါဖို့။ ယေကေလေ့ နယူးကလီးယား၏အလီးချိန်(mass)ရေ ယင်းအက်တမ်တစ်ခုလုံး၏ အလီးချိန်အားလုံးနီးပါးလောက် ဟိနိန်ပါရေ။ တဘက်မှာ အက်တမ်တစ်ခုလုံး၏ထုထည်ရေ နယူးကလီးယား၏ ထုထည်ထက် အဆပေါင်း တစ်ထရီလီယံထိကြီးနိန်ပါရေ။ တနည်းအားဖြင့်ပြောရဖို့ဆိုကေ နယူးကလီးယားရေ ထုထည်ငယ်သလောက် အလီးချိန်က ကောင်းလီးပါရေ။ ယင်းပိုင် ကကောင်းငယ်ရေ နိန်ရာမှာ ကကောင်း ကြီးရေ အလီးချိန်ကို ထိန်းချုပ်ထားဖို့အတွက် ကကောင်းကြီးမားရေ အားတစ်ခုဟိနိန်လီရပါဖို့။ ယင်းအားကို “နယူးကလီးယားအား” (nuclear force) လို့ခေါ်ပြီးကေ ယင်းကြီးမားရေအားတိကို သဘာဝအလျေက် အံတုပြီးကေ အက်တမ်တစ်လုံးသူ့ဘာသာသူ ကွဲလားဖို့ ကောင်းခဲယဉ်းပါရေ။ (သိပ္ပံပညာရှင်တိ၏အဆိုအရ သဘာဝအလျောက် ယင်းပိုင်ကွဲလားခစွာရေ တစ်ခါတည်း ဟိဖူးရေလို့ ပြောပါရေ။ လွန်ခရေ နှစ်ပေါင်း ၂ ကုဋေ လောက်က အာဖရိကမှာ ယင်းပိုင် ယူရေနီယံအက်တမ်တစ်လုံး ကွဲဖူးရေလို့ ပြောကတ်ပါရေ။)

အားကောင်းရေ nuclear forcesတိကို စိတ်ခြမ်းဖို့စော်ရေ ကောင်းမလွယ်စော်ကိစ္စဖြစ်ပါရေ။ နယူကလီးယား၏ အရွယ်အစားကို မူတည်ပြီးကေ nuclear forcesတိလည်း ကွဲပြားရေ အတွက်နာင့် စိတ်ခြမ်းစွာမှာလည်း ဇာလောက်ခက်တေ ဇာလောက်လွယ်လေ ဆိုစွာလေ့ ဟိပါသိရေ။ နယူးကလီးယားအရွယ်အစားကြီးလီ nuclear forcesတိ အားနည်းလီဖြစ်ပါရေ။ ဥပမာ - ကာဗွန် (carbon)အက်တမ်တိမှာပါရေ နယူးကလီးယားအရွယ်အစားရေ ငယ်ရေအတွက်နာင့် အားကောင်းရေ nuclear forcesတိနာင့် ဖွဲ့စည်းထားပါ ရေ။ (ကာဗွန်၏ နယူးကလီးယားမှာ “နယူးကလီးယွန်း” (nucleons)လို့ခေါ်ရေ အမှုန်(particle)ချေ ၁၂လုံးပဲ ပါပါရေ။) ယင်းပိုင်သျှောင် ကာဗွန်မှာပါရေ နယူးကလီးယားကို စိတ်ခြမ်းရစွာလည်း ကောင်းခက်ပါရေ။

နယူးကလီးယားကို စိတ်ခြမ်းရေ လုပ်ဆောင်ချက်တစ်ခုလုံးကို အင်းဂလိပ်ပိုင် fissionလို့ ခေါ်ပါရေ။ fissionလုပ် ဖို့ နယူးကလီးယားစွမ်းအင်ထုတ်လုပ်ဖို့စက်ရုံမှာ U-235 လို့ခေါ်ရေ ယူရေနီယံ သတ္တုတစ်မျိုးလိုပါရေ။ U-235 ရေ အလွန်ရှားပါးရေ သတ္တုအမျိုးအစားတစ်ခုလည်း ဖြစ်ပါရေ။ U-235လို့ခေါ်ရေအတိုင်း ယင်းအက်တမ်၏ နယူးကလီးယားမှာ နယူးကလီးယွန်း၂၃၅လုံး ပါပါရေ။ သာမန်နယူးကလီးယား အရွယ်အစားနာင့် နှိုင်းယှဉ်လိုက် ကေ ကြီးရေလို့ ပြောရပါဖို့။ ယင်းအတွက်ကြောင့်လည်း nuclear forcesတိ အားနည်းလို့ စိတ်ခြမ်းရစွာမှာ တခြားအမျိုးအစားတိထက် ပိုလွယ်စွာပါ။ စိတ်ခြမ်းဖို့အတွက် သိပ္ပံပညာရှင်တိရေ “နယူထရွန်”(neutron) လို့ခေါ်ရေ အမှုန်ချေတိကို ယူရေနီယံထက်ကို ပစ်လွှတ်ရပါရေ။ ပစ်လွှတ်လိုက်တေ neutronsတိရေ U-235 မှာ ပါရေ နယူးကလီးယားကို လားတိုက်တေအခါ နယူးကလီးယား၏ ပုံသဏ္ဍာန်ရေ စက်ဝိုင်းပုံသဏ္ဍာန်ဟိနိန် စွာကနိန်ပြီးကေ ကြက်ဥပိုင် ဘေးကားထွက်ပြီးကေ ယောင်းလားပါရေ။ ယင်းပိုင် ဘေးကို ကားထွက်ယင်းနာင့်
တချိန်မှာ နယူးကလီးယားရေ နှစ်ခြမ်းကွဲလားပါရေ။

ယင်းပိုင်နှစ်ခြမ်းကွဲရေအချိန်မှာ အီလက်ထရွန် ဗို့ဒ်(volt) သန်း၂၀၀ နာင့်ညီမျှရေ စွမ်းအင်ကို ထုတ်လုပ်ပီး ပါရေ။ ယင်းစွမ်းအင်ကို ထိန်းသိမ်းပြီးကေ နယူးကလီးယားလျှပ်စစ်မီးထုတ်စက်ရုံကို လည်ပတ်စီပါရေ။ အက်တမ်တစ်လုံးမှာဟိရေ နယူးကလီးယားကို ထက်ခြမ်းခွဲလို့ ထွက်လာရေအားရေ ကျောက်မီးသွေးပါရေ အက်တမ်းတစ်လုံးကို မီးတိုက်လို့ထွက်လာရေ စွမ်းအင်ထက် အဆပေါင်း ၁၀ သန်းဝန်ကျင် ပိုများပါရေ။ တနည်းအားဖြင့်ဆိုကေ ယူရေနီယန် ၁ ကီလိုဂရမ် (၂ ဒသမ ၂ ပေါင်)ကို ထက်ခြမ်းခွဲလို့ ထွက်လာရေ နယူးက လီးယား စွမ်းအင်ရေ ၀ပ် ၁၀၀ ဟိရေ မီးလုံးကို နှစ်ပေါင်း ၆၉၀ ကြာအောင် မီးထွန်းနိုင်ပါရေ။

ကမ္ဘာတ၀ှမ်းက နယူးကလီးယား ဓာတ်အား
“နယူးကလီးယားဓာတ်အားကို အသုံးပြုပြီးကေ လျှပ်စစ်မီးအဖြစ်နာင့်သုံးလို့ရရေ” ဆိုရေ နည်းပိုင်ညာကို သိဟိလာကတ်စွာရေ နှစ်ပေါင်း ၅၀ ကျော်လာပျာယ်ဖြစ်ပါရေ။ တခြားစွမ်းအင် အရင်းအမြစ်တိဖြစ်တေ ကျောက်မီးသွေး၊ ရေအားလျှပ်စစ်၊ ရီနံဆီတိနာင့် နှိုင်းယှဉ်လိုက်ကေတော့ မကြာသိလို့ ပြောရပါဖို့။ (နာမေကြီး ရီအားလျှပ်စစ်စက်ရုံးကြီးတစ်ခုဖြစ်တေ “ဟူဗာ”ဆည် (Hoover Dam) ရေအားလျှပ်စစ်စက်ရုံကို ၁၉၃၀ ၀န်းကျင်က စတင်ဆောက်လုပ်ခပါရေ။ အမေရိကန်ပြည်ထောင်စု၏ ပထမဆုံး ကျောက်မီးသွေးသုံး လျှပ်စစ်ထုတ်လုပ်ရေး စက်ရုံကို ၁၈၀၀ ခုနှစ်နှောင်းပိုင်းမှာ တည်ဆောက်ခကတ်ပါရေ။ ) နယူးကလီးယား လျှပ်စစ်စက်ရုံ (nuclear power plant)အများစုကို ၁၉၆၀၊ ၁၉၇၀ နှစ်တိက စတင်အကောင်အထည်ဖော်ခ ကတ်ပါရေ။ ဓာတ်ပေါင်းဖို အများစုကတော့ အမေရိကန်ပြည်ထောင်စုနာင့် အနောက်ဥရောပဒေသတိမှာ တည်ဟိကတ်ပါရေ။ အမေရိကန်ပြည်ထောင်စု၏ အသစ်ဆုံး နယူးကလီးယားလျှပ်စစ်စက်ရုံကတော့ ၁၉၉၆ခုနှစ်က စတင်လည်ပတ်ခပါရေ။

ယေကေလေ့ ကမ္ဘာ့လျှပ်စစ်မီးထုတ်လုပ်ရေးစက်ရုံအများစုရေ ကျောက်မီးသွေးသုံးတိ ဖြစ်ပါရေ။ ယူရေနီယံကို စိတ်ခြမ်းပြီးကေ လျှပ်စစ်ဓာတ်အား ထုတ်လုပ်တေ စက်ရုံတိမဟုတ်ကတ်ပါ။ ယေကေလေ့ လွန်ခရေ နှစ်ပေါင်း၃၀နာင့် ယှဉ်ကြည့်လိုက်ကေတော့ နယူးကလီးယားစွမ်းအင်ကို ပိုထုတ်လာကတ်တေလို့ ဆိုရပါဖို့။ ၁၉၇၁ ခုနှစ်၊ နယူးကလီးယားလျှပ်စစ်စက်ရုံတိ စတင်ထွန်းကားရေခေတ်က နယူးကလီးယားစွမ်းအင်ရေ ကမ္ဘာ့လျှပ်စစ်မီးသုံးစွဲမှု၏ ၂ ဒသမ ၁ ရာခိုင်နှုန်းကိုရာ ပံ့ပိုးပီးခပါရေ။ ယင်းနောက်ပိုင်းမှာ ကမ္ဘာ့စွမ်းအင် သုံးစွဲမှု ကလည်း အဆပေါင်းအများကြီးထိုးတက်လာခလို့ နယူးကလီးယားစွမ်းအင်အသုံးပြုမှုကလည်း များပြားလာ လတ်ပါရေ။ အဂုဆိုကေ ကမ္ဘာ့တ၀ှမ်းလျှပ်စစ်မီးလိုအား၏ ၁၆ ရာခိုင်နှုန်းကို နယူးကလီးယားလျှပ်စစ်မီးစက်ရုံတိ က ဖြည့်ဆည်းပီးနိန်ကတ်ရပါရေ။

ကမ္ဘာတစ်ခုလုံးမှာ နယူးကလီးယားလျှပ်စစ်မီးစက်ရုံပေါင်း ၄၄၀ ဟိပါရေ။ စက်ရုံတည်ဟိရေ နိုင်ငံပေါင်း ၃၁ နိုင်ငံထဲက ၁၇ နိုင်ငံရေ (ဥပမာ - ဂျပန်၊ ဂျာမနီ၊ ဖင်လန်) ယင်းသူရို့ လိုအပ်တေစွမ်းအင်၏ အနည်းဆုံး ၂၅ ရာခိုင်နှုန်းကို နယူးကလီးယားဓာတ်အားက ရဟိနိန်ကတ်စွာဖြစ်ပါရေ။ ဘယ်လ်ဂျီယံ၊ ဘူဂေးရီးယား၊ ဟန်ဂေရီ၊ ဆလိုဗက်ကီးယား၊ တောင်ကိုးရီးယား၊ ဆွီဒင်၊ ဆွစ်ဇာလန်၊ ဆလိုဗေးနီးယား နာင့် ယူကရိန်းနိုင်ငံတိဆိုကေ သူရို့နိုင်ငံ၏စွမ်းအင်လိုအပ်ချက် သုံးပုံတစ်ပုံကျော်အတွက် နယူးကလီးယားလျှပ်စစ်စက်ရုံတိကို မှီခိုနိန်ကတ်ရပါရေ။ ပြင်သစ်၊ လစ်သူယေးနီးယားနာင့် တချို့နိုင်ငံတိဆိုကေ ပိုတောင်ဆိုးပါရေ။ နယူးကလီး ယား ဓာတ်အားက သူရို့၏စွမ်းအင်လိုအပ်ချက် ၇၀ ရာခိုင်နှုန်းကျော်ကို ဖြည့်ဆည်းပီးနိန်စွာဖြစ်ပါရေ။ အမေရိကန်ပြည်ထောင်စုကတော့ခါ ကမ္ဘာမှာ နယူးကလီးယားဓာတ်အားပီးစက်ရုံ အဟိဆုံးနိုင်ငံဖြစ်ပါရေ။ ယေကေလေ့ သူ့နိုင်ငံ၏ စွမ်းအင်လိုအပ်ချက်က ကမ္ဘာမှာ အကြီးဆုံးဖြစ်စွာကတကြောင်း၊ နယူးကလီးယား ဓာတ်ပေါင်းဖိုတိ အသစ်ဆောက်ဖို့ကိစ္စတိ အကောင်အထည်မပေါ်လာစွာက တကြောင်းတိကြောင့် အဂုအချိန်ထိ တနိုင်ငံလုံးစွမ်းအင်လိုအပ်ချက်၏ ၂၀ ရာခိုင်နှုန်းကိုရာ နယူးကလီးယားဓာတ်အားပီးစက်ရုံတိက ပံ့ပိုးပီးနိုင်ကတ်ပါရေ။

နယူးကလီးယားဓာတ်အားသုံး ယဉ်တိ
ရုရှား၊ အမေရိကန်ပြည်ထောင်စု စရေနိုင်ငံတိရေ လေယဉ်တင်သင်္ဘောတိ၊ ရီငုပ်သင်္ဘောတိစရေ ကကောင်း ကြီးရေ ယဉ်တိ ခုတ်မောင်းဖို့အတွက် “နယူးကလီးယားဓာတ်အားသုံးစက်” (nuclear powered engine)ကို အသုံးပြုကတ်ပါရေ။ ကကောင်းကြီးရေယဉ်တိမှာပဲ သုံးလို့ရရေ ဆိုစွာကလည်း အကြောင်းဟိပါရေ။ နယူးကလီးယားစက်ရေ လည်ပတ်နိန်စိုင်မှာ အာလဖာ(alpha)၊ ဘတ်တာ(beta)၊ ဂမ်မာ(gamma)စရေ လူကို အန္တာရာယ်ပြုစီရေ ရောင်ခြည်တိကို ထုတ်လွှတ်ပါရေ။ ယင်းအတွက်ကြောင့် ယင်းရောင်ခြည်တိကို ထိန်းချုပ်ကာကွယ်ဖို့အတွက် နယူးကလီးယားစက်ကို ကွန်ကရိတ်တိနာင့် ၀ိုင်းပြီးကေ ကာရပါရေ။ ကာထားရေ ကွန်ကရိတ်ရေ ပေပေါင်းများစွာ ထူရေအတွက်နာင့် ကကောင်းလီးပါရေ။ ယင်းအတွက်နာင့် သာမန်ကား အငယ်ချေတိမှာ သုံးစွဲလို့မရဘဲ ကြီးမားရေ ယဉ်တိမှာရာ သုံးစွဲလို့ ရခြင်းဖြစ်ပါရေ။ လေယဉ်တင်သင်္ဘောတိ၊ ရီငုပ်သင်္ဘောတိအတွက် လိုအပ်တေ လောင်စာကို ထုတ်ပီးဖို့အတွက် ယူရေနီယံ ၁ ပေါင် (သုည ဒသမ ၅ ကီလိုဂရမ်)ပဲ လိုအပ်ပါရေ။ (အရွယ်အစားအားဖြင့်ဆိုကေ တန်းနစ်ဘောလုံး တစ်လုံးအရွယ်လောက်ပါ။) တကယ်လို့ရာ ယင်းယဉ်တိအနိန်နာင့် နယူးကလီးယားစက်ကို မသုံးဆိုကေ ငါးထပ်တိုက်အဆောက်အဦးနာင့် ညီမျှရေ ဓာတ်ဆီဂါလံ သန်းပေါင်းများစွာကို သယ်ဆောင်လားနိန်ရဖို့ ဖြစ်ပါရေ။

နယူးကလီးယားစွမ်းအင်ကို ဇာပိုင်အသုံးချရဖို့လဲဆိုစွာကို ယှာဖွေတိဟိမှုရေ လျှပ်စစ်မီးနာင့် စွမ်းအင်ကဏ္ဍအတွက် ပြောင်းလဲမှုတိကို ဆောင်ကြဉ်းပီးခစွာကတော့ အမှန်ပါပျာယ်။ အသုံးချဖို့မသိခင်က သိပ္ပံပညာရှင်တိရေ နယူးကလီးယားစိတ်ခြမ်းမှုကို ဇာပိုင်ထိန်းချုပ်ဖို့လဲ၊ ထွက်လာရေ နယူးကလီးယားအားတိကို ဇာပိုင်စုစည်းဖို့လဲ၊ တကယ်လို့ မတော်တဆ accidentတိနာင့် အန္တာရာယ်ကြီးရေ ရောင်ခြည်တိ လူတိပါးကို မကျရောက်အောင် ဇာပိုင်ကာကွယ်ဖို့လဲဆိုစွာတိကို သေချာစိုင်းစား ကြံဆခကတ်ရ ပါရေ။ ယင်းပိုင်နာင့် နှစ်တိကြာလာရေနောက်ပိုင်းမှာလည်း သုံးပြီးသား ယူရေနီယံ အကြွင်းအကျန်တိကို ဇာမှာမြုပ်ကတ်ဖို့လဲနာင့် တခြားဘေးအန္တာရာယ်ကြိုတင်ကာကွယ်ရေး ကိစ္စတိကလည်း နယူးကလီယား စွမ်းအင်ကို ဆထက်တပိုး သုံးသင့်မသုံးသင့် ဆုံးဖြတ်တေအခါတိုင်းမှာ အရေးကြီးရေနိန်ရာက ရပ်တည်လျက် ဟိနိန်ပါကြောင်း...

Thomson Gale စာအုပ်တိုက်က ၂၀၀၇ခုနှစ်က ထုတ်ဝေရေ စာရွီးဆရာမBonnie Juettner's Nuclear Power စာအုပ်ထဲက What Is Nuclear Powerအပိုင်းကို သင့်လျော်အောင် ဘာသာပြန်ထားပါသည်။

Tuesday, December 15, 2009

ကမ္ဘာမှာ ဆားအငန်ဆုံးရီဟိရေ ဒေသတိက ဇာမှာပါလဲ

ကမ္ဘာမှာ ဆားအငန်ဆုံးရီကို အန္တာတိကတိုက်က ထူးထူးခြားခြား ရီခဲမဖုံးပဲကျန်နိန်ရေ မက်မာဒို(McMurdo) တောင်ကြားဒေသမှာ တွိဟိရပါရေ။ ဒင်ဟွန်(Don Juan Pond)လို့ခေါ်ရေ ကန်ကရီရေ ကမ္ဘာ့သမုဒ္ဒရာရီ၏ ဆားငန်နှုန်းထက် ၁၈ဆ ပိုများရေလို့ ပြောကတ်ပါရေ။ ယေကေလေ့ နောက်ဆုံးသိရရေ အချက်အလက်တိအရ ယင်းကန်ရေ နိန်ရာစိကေကလွဲလို့ တခြားနိန်ရာအားလုံးနီးပါးမှာ ရီခန်းခြောက်လား ခပျာယ်လို့ သိဟိရပါရေ။

အန္တာတိကတိုက်ကလွဲပြီးကေ တခြားကမ္ဘာ့ဒေသတိထဲက အငန်ဆုံးရီအိုင်ကို ပြပါဆိုကေ ဂျီဘော့တီနိုင်ငံ (Djibouti) အလယ်ပိုင်းက အာဆဲလ်အိုင် (Lake Assal) ကိုပြရဖို့ဖြစ်ပါရေ။ ယင်းအိုင်မှာဟိရေ ရီ၏ဆားပါဝင်နှုန်းရေ ၃၄ ဒသမ ၈ ရာခိုင်နှုန်း ဟိပါရေ။ သာမန်ပင်လယ်ရီ၏ ဆားပါဝင်နှုန်းရေ ၃ ဒသမ ၅ ရာခိုင်နှုန်းပဲ ဟိပါရေ။ ယင်းအတွက်ကြောင့် အာဆဲလ်အိုင်က ရီရေ ပင်လယ်ဆငန်ရီထက် ၁၀ ဆက်နီးပါး ပိုငန်ရေလို့ ပြောရပါဖို့။ ယင်းအိုင်၏ အနက်ကတော့ခါ အနက်ဆုံးနိန်ရာမှာ ပေ ၁၃၀ ပဲဟိပါရေ။

ကမ္ဘာ့အနက်ဆုံး ဆားငန်အိုင်ကိုတော့ခါ ဂျော်ဒန်နိုင်ငံနာင့် အစ္စရေးနိုင်ငံနယ်စပ်မှာ တွိရပါရေ။ ခြောက်သွေ့ဒေသက ကုန်းတွင်းပိုင်းမှာဟိရေ ယင်းအိုင်ကို Dead Sea လို့ခေါ်ပါရေ။ Dead Seaရေ အိုင်ဖြစ်ကေလေ့ ငန်လွန်းလို့ ”အိုင်”လို့ ခေါ် ဖို့အစား ”ပင်လယ်” (ဆားပင်လယ်)လို့ ခေါ်ကတ်စွာလို့ သိရပါရေ။ ယင်းအိုင်ကရီ၏ ဆားငန်နှုန်းကတော့ သာမန်ပင်လယ်ရီမှာပါရေ ဆားငန်နှုန်းထက် ၈ ဆလောက်များပါရေ။ (ယင်းအတွက်ကြောင့်လည်း သတ္တ၀ါတိ မရှင်သန်နိုင်လို့ Dead Sea ”အသီပင်လယ်”လို့ နာမေပီးကတ်ခြင်းဖြစ်ပါရေ။) ယင်းရီမှာ ပျော်ဝင်နိုင်ရေအစိုင်အခဲ(dissolved solids)တိ ပျော်ဝင်နိန်ပြီးကေ ယင်းအိုင်က ရီတိ၏ ၃၃ ရာခိုင်နှုန်းကို နိန်ရာယူထားပါရေ။ ယင်းအတွက်ကြောင့် ယင်းရီ၏ သိပ်သည်းဆ (density)ရေ သာမန်ထက် အဆပေါင်းအများကြီး များနိန်ပြီးကေ လူတစ်ယောက်ကို ရီမှာ ပေါလောပေါ်နိန်စီနိုင်ပါရေ။

မှတ်ချက်။ ။ ဆငန်ရီမှာ လူပေါလောပေါ်စွာကို Dead Sea ကိုလားစရာမလိုဘဲ နောက်တစ်နည်းစမ်းသပ်လို့ ရပါရေ။ သောက်ရီခွက်နှစ်ခွက်ကို ယူပါ။ ပြီးကေ တစ်ခွက်ကို ရိုးရိုးရီနာင့် ဖြည့်ပြီးကေ နောက်တစ်ခွက်ကို ဆငန်ရီနာင့်ဖြည့်ပါ။ ပြီးကေ ကြက်ဥနှစ်လုံးကို ယင်းခွက်နှစ်ခွက်ထဲကို ထည့်လိုက်ပါ။ ရိုးရိုးရီခွက်ထဲက ကြက်ဥရေ မြုပ်ပြီးကေ ဆငန်ရီထဲက ကြက်ဥရေ ရီထက်မှာ ပေါ်စွာကို တွိရပါလိမ့်မေ။

လူတစ်ယောက် ဆငန်ရီသောက်မိကေ ဇာဖြစ်လီဖို့လဲ

ဇာလောက်သောက်မိလဲ အပေါ်မှာ မူတည်ပါရေ။ အနည်းချေသောက်မိကေတော့ ပြဿနာမဟိပါ။ ဇာဖြစ်လို့လဲဆိုကေ လူ့ခန္ဓာကိုယ်ဆိုစွာကလည်း ဆားဓာတ်လိုစွာပါပျာယ်။ အမေရိကန်ပြည်ထောင်စုမှာဟိရေ Salt Instituteအဆိုအရ လူတစ်ယောက်ရေ တစ်နိန့်မှာ ပျမ်းမျှ ဆား ၅၀၀ မီလီဂရမ် လိုအပ်တေလို့ဆိုပါရေ။ နိန်ပုံထိုင်ပုံ၊ မျိုးရိုးဗီဇ၊ ရောက်ဟိနိန်ရေ နိန်ရာနာင့် တခြားအချက်အလက်တိအပေါ်မှာလည်း မူတည်ပါသိရေ။ ပြဿနာက လူတိက ယင်းချင့်ထက် ပိုပြီးကေ ဆားကို သုံးစွဲနိန်ကတ်လို့ပါ။ အမေရိကန်နိုင်ငံသားအများစုရေ တစ်နိန့်မှာ ပျမ်းမျှ ဆား ၃၅၀၀ မီလီဂရမ်သုံးစွဲကတ်ပါရေ။ ယင်းပိုင်ပျာယ် ဆငန်ရီကိုလည်း အများကြီးသောက်မိကေတော့ မကောင်းပါ။ ဇာကြောင့်မကောင်းလဲဆိုစွာက အေပိုင်ပါ။

ဆငန်ရီမှာပါရေ ဆားပါဝင်နှုန်းရေ ခန္ဓာကိုယ်မှာဟိရေ အရည်တိ၏ ဆားပါဝင်နှုန်းထက် ၄ ဆက်ကျော်များပါရေ။ ယင်းအပြင် လူ့ခန္ဓာကိုယ်ထဲမှာ အော့စ်မို့စစ်(osmosis)လို့ ခေါ်ရေ လုပ်ငန်းရပ်(process)တစ်ခုဟိပါရေ။ ယင်း processက လူ့ခန္ဓာကိုယ်ထဲမှာ ရီဓာတ်ပါဝင်မှုများရေ နိန်ရာကအရည်တိကို နည်းရေနိန်ရာကို အမြှီးပါးတိကတဆင့် ပို့ဆောင်ပီးပါရေ။ ဆငန်ရီကို သောက်လိုက်ကေ ရီဓာတ်တိများနိန်ရေ ခန္ဓာကိုယ်ထဲက အရည်တိဟိရေနိန်ရာကနိန် ဆားဓာတ်များပြီးကေရီဓာတ်နည်း နိန်ရေ အစားအိမ်အူလမ်းကြောင်းထဲကို ရောက်ဟိလားပါရေ။ ယေခါအစာအိမ်အူလမ်းကြောင်း က ယင်းအရည်တိကို ပြန်ကန်ထုတ်ပြီးကေ ရီဓာတ်အလွန်အမင်းဆုံးရှုံးမှု(Dehydration)ကို ဖြစ်ပေါ်စီပါရေ။ ယင်း၏အကျိုးဆက်အနိန်နာင့် သတိမိခြင်း၊ 'တ'ခြင်း၊ ဦးဏှောက်ထိခိုက်ခြင်းအပြင် အသက်ဆုံးရှုံးခြင်းကိုပါ ဖြစ်ပေါ်စီနိုင်ပါရေ။

Monday, December 14, 2009

စိန်ထက်မာရေ ပစ္စည်းတိ ဟိပါလာ။

သဘာဝမှာဟိရေ ပစ္စည်းတိထဲမှာဆိုကေ စိန်ရေ အမာဆုံးလို့ပြောကတ်ပါရေ။ ယင်းထက်မာရေ အရာဝတ္ထုကို လူတိဖန်တီးပြုလုပ်လို့လဲ ဟိပါရေ။ ၁၉၈၉ခုနှစ်က ကာဗွန် နိုက်ထရိုက် (carbon nitride, C3N4) ဓာတ်သတ္တုတစ်မျိုးကို ဓာတ်ခွဲခန်းထဲမှာ ပေါင်းစပ်ပုံဖော်ကြည့်ခကတ်ပါရေ။ ယင်းခါ ယင်းသတ္တုရေ စိန်ထက်မာနိန်စွာကို တွိကတ်ရပါရေ။ ယေကေလေ့ စီးပွားဖြစ်အများကြီး ထုတ်လုပ်နိုင်အောင် မကြိုးစားနိုင် ခကတ်ပါ။ စနစ်တကျ စမ်းသပ်မှုတိကိုလေ့ မပြုလုပ်နိုင်ခကတ်ပါ။ ၁၉၉၉ ခုနှစ်ကို ရောက်လာရေအခါမှာ သုတေသနပညာရှင်တိက နောက်ထပ် ကာဗွန်ရာပါပြီးကေ ကာဗွန်အက်တမ်တိကို ပေါင်းစု(fuse)ထားရေ ဓာတ်သတ္တုတစ်မျိုးကို ထပ်ပြီးကေ စမ်းသပ်ပြန်ပါရေ။ ယင်းသတ္တုရေ ပုံသဏ္ဍာန်အမျိုးမျိုးကို ဆောင်ပါရေ။ ပုံသဏ္ဍာန်ကို လိုက်ပြီးကေလည်း နာမေပီးကတ်ပါရေ။ ဘောလုံးပိုင် လုံးပြီးကေ အထဲမှာတစ်ခုလေ့မပါစော်ကို buckyballsလို့ ခေါ်ကတ်ပါရေ။ ပိုက်လုံးပိုင် ရှည်မျောမျောသဏ္ဍာန်ကိုကျခါ carbon nanotube လို့ ခေါ်ကတ် ပါရေ။ အထက်မှာဖော်ပြခရေ ပစ္စည်းနှစ်မျိုးစလုံးရေ စိန်ထက်မာကတ်ပါရေ။ ယေကေလေ့ လောလောဆယ်မှာ စီးပွားဖြစ်ထုတ်လုပ်ရောင်းချလို့မရနိုင်အောင် ဈီးကြီးနိန်ပါသိရေ။ ယင်းအတွက်နာင့် လက်ဟိအချိန်မှာတော့ခါ စိန်က အမာဆုံးဖြစ်နိန်ပြီးကေ ကျောက်တိနာင့် တခြားအမာထည်တိ ဖြတ်တေနိန်ရာမှာ စိန်ကိုရာ လူကြိုက်များသုံးစွဲကတ်ပါရေ။ သဘာဝအရဖြစ်ပေါ်လာရေ စိန်မဟုတ်ပဲ လူတိပြုလုပ်ဖန်တီးလို့ရလာရေ စိန်အမျိုးအစားတိကိုလည်း ၁၉၅၅ ခုနှစ်ကတည်းက အမာထည်ဖြတ်တောက်ရေးလုပ်ငန်းတိမှာ သုံးစွဲလာကတ် စွာကိုလည်း တွိဟိရပါရေ။

Light-year ဆိုစွာ ဇာလဲ

အာကာသမှာ ဟိရေ အရာဝတ္ထုတိနာင့် ပတ်သက်ပြီးကေ ပြောကတ်ဆိုကတ်တေခါ light-year (အလင်းနှစ်)ဆိုစွာကို ထည့်ပြီးကေ သုံးတတ်ကတ်ပါရေ။ “အလင်းနှစ်”ဆိုစွာနာင့် လူတိက အေချင့်ရေ အချိန်ကာလတစ်ခုကို ရည်စူးလို့ခေါ်စွာလို့ ထင်နိုင်ပါရေ။ အမှန်ကတော့ခါ အလင်းနှစ် တစ်နှစ်ရေ ၅.၈ ထရီလီယံ မိုင် (၉.၅ ထရီလီယံ ကီလိုမီတာ)နာင့် ညီမျှရေ အတိုင်းအတာတစ်ခုရာ ဖြစ်ပါရေ။ ယင်းအတိုင်းအတာရေ တနည်းအားဖြင့် ကမ္ဘာမှာပုံမှန်သုံးနိန်ကျ နှစ် တစ်နှစ်(၃၆၅ရက်) အတွင်းမှာ အလင်း ကူးသန်းလားနိုင်ရေ အတိုင်းအတာလည်း ဖြစ်ပါရေ။ အာကာသမှာဟိရေ အရာဝတ္တုတိအကွာအဝေးရေ ၀ီးလွန်းရေ အတွက်နာင့် ပုံမှန်သုံးနိန်ကျ မိုင်၊ ကီလိုမီတာတိကို သုံးကေ ဂဏာန်း ပေါင်းပွတတ်လို့ အလင်းနှစ်ကို အစားထိုးသုံးစွဲရခြင်းဖြစ်ပါရေ။

Monday, December 7, 2009

ဧ၀ရတ်တောင်နာင့် တောင်အမြင့် တိုင်းတာခြင်း

၁၇၄၉ ခုနှစ်က အင်းဂလိပ်တိက နိန်ပြီးကေ “အိန္ဒိယ တိုင်းတာရေး” (Survey of India)ဆိုပြီးကေ စီမံချက်နာင့် လူသူမရောက်နိုင်ရေ ဟိမ၀န္တာဒေသတိက မြင့်မားရေ တောင်တိကို နာမေပီး မှတ်သားခကတ်ပါရေ။ ယင်းအထဲက တရုတ်နိုင်ငံနယ်စပ်နား၊ နီပေါနိုင်ငံထဲက ထိုးတက်နိန်ရေ မြင့်မားရေ တောင်တစ်ခုကို Peak XV ဆိုပြီးကေ အကြမ်းနာမေ ပီးထားခပါရေ။ ယင်းနောက်ပိုင်း ၁၈၄၉ခုနှစ်ကို ရောက်လာရေခါ ယင်းအမြင့်ကို တိုင်းတာခကတ်ပါရေ။ တိုင်းတာချက်တိအားလုံး ၁၈၅၂ခုနှစ်မှာ အချောသတ်ပြီးလို့ တခြားတောင်အမြင့်တိနာင့် နှိုင်းယှဉ်ကြည့်ရေခါ ယင်းတောင်ရေ ကမ္ဘာမှာ အမြင့်ဆုံးတောင်ဖြစ်နိန်မှန်း သိကတ်ရပါရေ။

ယေခါ ယင်းအချိန်က အိန္ဒိယကို အုပ်ချုပ်နိန်ရေ အင်းဂလိပ်တိက နာမေတစ်ခုပီးဖို့ စိုင်းစားကတ်ပါရေ။ အဆိုပြုကတ်တေနာမေတိကလေ့ အများကြီးပါ။ “ဒီပတ်ဟင်ဂါ” (Devadhunga, ဘုရားဆူး)၊ “ဂေါ်ရီချန်ကာ” (Guarishanker, ဟိန္ဒူနတ်ဘုရား ရှီဗာ၏ ဖြူစင်သန့်ရှင်းရေ သတို့သမီး)၊ တိဗက်တိအခေါ် “ခိုမိုလင်းမ” (Chomolungma, ကမ္ဘာ့အရှင်သခင်မ) ဆိုပြီးကေ ဒေသအလိုက် နာမေအမျိုးမျိုးပီးလို့ခေါ်ခကတ်ပါရေ။ ယေကေလေ့ ယင်းအချိန်က နာမေပီးခွင့်အာဏာကို လန်ဒန်မှာဟိရေ အင်းဂလိပ် “တော်ဝင် ပထ၀ီဆိုင်ရာ အစည်းအရုံး”က ချုပ်ကိုင်ထားပါရေ။ ယင်းအစည်းအရုံးက အိန္ဒိယမြေတိုင်းမှူးချုပ် အန်ဒရူး ဝေါဖ် (Andrew Waugh) တင်သွင်းရေ ဧ၀ရတ် (Everest)ဆိုရေ နာမေကို အတည်ပြုခပါရေ။ “ဧ၀ရတ်”ဆိုစွာရေ အန်ဒရူး ဝေါဖ် ရိက တာဝန်ထမ်းဆောင်ခရေ သူ့အထက်အရာရှိဟောင်း ဆာဂျော့ရှ် ဧ၀ရတ် (Sir George Everest) ဆိုရေ လူကို အစွဲပြုပြီးကေ ခေါ်စွာဖြစ်ပါရေ။

ယေကေ ယင်းခေတ်ယင်းအခါက အေလောက်မြင့်ရေ တောင်တစ်တောင်ကို ဇာပိုင်မှန်ကန်အောင် ဇာနည်းကို သုံးပြီးကေ တိုင်းခကတ်လဲ ဆိုစွာရေ စိတ်ဝင်စားစရာ ကောင်းပါရေ။

ပထမဆုံးအနေနာင့် အထက်ပုံမှာပါရေအတိုင်း နိန်ရာA နာင့် နိန်ရာ B ကို ရှာပါရေ။ ယင်းနိန်ရာနှစ်ခုစလုံးရေ တောင်ထိပ်ကို မြင်နိုင်ရေ နိန်ရာဖြစ်ရပါဖို့။ ယေပြီးကေ ယင်းနိန်ရာ နှစ်ခုစလုံးရေ ပင်လယ်ရီမျက်နှာပြင် အထက် အမြင့်ပေ တတူတည်းမှာ ဟိရပါဖို့။ ယင်းနိန်ရာ A နာင့် Bကိုရကေ ယင်းနှစ်ခု၏ အကွာအဝေးကို တိုင်းတာပါရေ။ ပြီးကေ ယင်းနိန်ရာ နှစ်ခုစလုံးက နိန်ပနာ Theodolites လို့ ခေါ်ရေ ထောင့်တိုင်းကိရိယာနာင့် တောင်ထိပ်ရေ နိန်ရာA ကနိန် ဇာထောင့် (angle) မှာ တည်ဟိလဲဆိုစွာကို တိုင်းပါရေ။ ထပ်ပြီးကေ နိန်ရာ B၏ ဇာထောင့်မှာ ဟိလဲဆိုစွာကိုလည်း ထပ်တိုင်းပါရေ။ Baseline လို့ ခေါ်ရေ နိန်ရာ A နာင့် B အကွာအဝေးနာင့် ထောင့်နှစ်ထောင့်ကို သိရေခါ Trigonometry ပုံသေနည်းတိကို အသုံးချပြီးကေ တွက်လိုက်ကေ တောင်အမြင့်ကို ရဟိနိုင်ပါရေ။ ယင်းအခါက တိုင်းတာရေ မြေတိုင်းသမားတိရေ ဧ၀ရတ်တောင်၏အမြင့်ကို နိန်ရာ ၆နိန်ရာကနိန် ၆ခါ တိုင်းခကတ်ပါရေ။ တိုင်းတာလို့ ရရေ အမြင့်တိရေ ပေ ၂၈၉၉၀ (၈၈၃၆ မီတာ) ကနိန် ပေ ၂၉၀၂၆ (၈၈၄၇ မီတာ) ကြားမှာ ဟိနိန်ပါရေ။ ယင်းအထဲကမှ ထပ်ပြီးကေ ဆန်းစစ်ပြီးကေ ပေ ၂၉၀၀၂ (၈၈၄၀ မီတာ) ကို ဧ၀ရတ်တောင်၏ အမြင့်အဖြစ် တရားဝင်သတ်မှတ်ခကတ်ပါရေ။

ယေကေလေ့ ဟိမ၀န္တာတောင်တန်းရေ ကမ္ဘာ့သိပံ္ပ (Earth Science) ဘာသာရပ်ဆိုင်ရာ သီအိုရီတိအရ အိန္ဒိယတိုက်ငယ်ဟိရေ အိန္ဒိယမြီပြင်ပြား (India Plate) နာင့် ဥရောပတိုက်၊ ရရှား၊ တရုတ်ဒေသတိ အဓိကပါဝင်ရေ ယူရေးရှမ်းမြီပြင်ပြားကြီး (Eurasian Plate)တိ တိုက်ဆုံမှုကြောင့် မြီပြင်အထက်ကို ထိုးတက်ပြီးကေ ပေါ်ပေါက်လာစော်ဖြစ်ပါရေ။ ယင်းမြီပြင်ကြီးနှစ်ပြားရေ အဂုအချိန်ထိတိုက်ဆုံနိန်တုန်းလို့ ဆိုပါရေ။ ယင်းအတွက်နာင့် ဟိမ၀န္တာနားမှာဟိရေ တောင်တိ၏ အမြင့်ရေ တစ်နှစ်ထက်တစ်နှစ် ထိုးတက်မြင့်မားနိန်တုန်းပဲ ဖြစ်ပါရေ။ သိပ္ပံပညာရှင်တိ၏ ခန့်မှန်းချက်တိအရ တစ်နှစ်ကို ၂လက်မစီ တိုးပြီးကေ မြင့်နိန်ရေလို့ ပြောကတ်ပါရေ။ ယင်းအပြင် ပိုမိုတိကျရေ တိုင်းတာမှုနည်းပညာတိ ပေါ်လာရေ အတွက်ကြောင့်လည်း ဧ၀ရတ်တောင်၏ အမြင့်ရေ ပထမဆုံးတိုင်းတာလို့ရရေ အမြင့်ပေ ၂၉၀၀၂ ဆိုရေ ဂဏန်းထက် ကြီးလို့လာပါရေ။

ယင်းကြားထဲ ၁၉၈၆ ခုနှစ်အရောက်မှာ အမေရိကန်ပြည်ထောင်စု ဆီယက်တယ်မြို့မှာဟိရေ ၀ါရှင်တန်တက္ကသိုလ် (University of Washington)က ဂျော့ရှ် ဝေါလာစတိန်း (George Wallerstein)က နည်းလမ်းအသစ်တစ်ခုကို အသုံးပြုပြီးကေ ဧ၀ရတ်တောင်၏အမြင့်ကို တိုင်းတာကြည့်ခပါရေ။ ယင်းသူက တောင်အမြင့်မှာ မှားနိန်ရေလို့ ဝေဖန်ခပါရေ။ ဧ၀ရတ်တောင်ထိပ်အစား အနားမှာဟိရေ K-2 လို့ ခေါ်ရေ နောက်ဟိမ၀န္တာတောင်တစ်ခုက ၃၆ပေ လောက်မြင့်နိန်ရေလို့ ဆိုခပါရေ။ ယင်းဝေဖန်ချက်က တောင်တက် သမားတိနာင့် မြေပုံလေ့လာရေ ပညာရှင်တိကို ကကောင်း ဂယက်ရိုက်စီခပါရေ။

ယင်းဂယက်ရိုက်မှုတိကို တိကျခိုင်လုံရေ အဖြေတစ်ခုနာင့် အဆုံးသတ်နိုင်ဖို့အတွက် အီတလီလေ့လာရေးအဖွဲ့တစ်ခုက ၁၉၈၇ခုနှစ်မှာ ဧ၀ရတ်တောင်အမြင့်ကို ပြန်ဆန်းစစ်ပြန်ပါရေ။ ယင်းအီတလီအဖွဲ့ကို နာမေကြီး မြေတိုင်းနာင့် သိပ္ပံပညာရှင်ကြီးဖြစ်တေ အာဒိတို ဒီဆီယို (Ardito Desio) က ဦးဆောင်ခပါရေ။ ဒီဆီယိုရေ ၁၉၅၄ခုနှစ်က K-2တောင်ထိပ်ကို တက်ရောက်ခရေ ပထမဆုံး တောင်တက်သမား တစ်ယောက်လည်းဖြစ်ပါရေ။ ယင်းသူက ရှေးရိုးတိုင်းတာရေး နည်းပညာတိအပြင် ယင်းအချိန်က နောက်ဆုံးပေါ် နည်းပညာ တစ်ခုဖြစ်တေ အမေရိကန် လေတပ်က သုံးနိန်ရေ NAVigation Satellite Timing and Ranging Global Positioning System (NAVSTAR GPS) လို့ခေါ်ရေ ဂြိုလ်တုအသုံးပြုတိုင်းတာရေး နည်းပညာကိုလည်း သုံးခပါရေ။ ယင်းအီတလီလေ့လာရေးအဖွဲ့နာင့် နီးစပ်တေ ပညာရှင်တိ၏အဆိုအရ ယင်းသူရို့ရေ ဧ၀ရတ်တောင်၏ မြောက်ဘက် ရင်ဘက်ခ် (Ronbuk)ကနိန် K- 2 တောင်၏ တောင်ဘက် ဘလ်ဖိုရို ရီခဲဒေသ(Balforo Glacier)အထိ တိုင်းတာမှုတိကို ပြုလုပ်ခကတ်တေလို့ဆိုပါရေ။ တောင်ခြီရင်းမှာဟိရေ စခန်း ၄ခုက စုဆောင်းရဟိရေ အချက်အလက်နာင့် NAVSTAR ဂြိုလ်တု ၄ခုက ထုတ်လွင့်ပီးကေ အချက်အလက်တိကို ယူပြီးကေ လေ့လာဆန်းစစ်ချက်တိ အများကြီးကိုလည်း ပြုလုပ်ခကတ်ပါရေ။ ဂြိုလ်တုက လွင့်လိုက်တေ သတင်းတိကို တောင်ခြီရင်းက စခန်းတိက ဖမ်းယူပြီးကေ ဖမ်းယူလက်ခံမိရေ အချိန်နာင့် ထုတ်လွင့်လိုက်တေ အချိန်ကွာခြားချက်ကို တွက်ချက်ကတ်ပါရေ။ ယင်းကွာခြားချက်အချိန်ကို အလင်း၏အရှိန် (the speed of light)နာင့် မြှောက်လိုက်တေခါ ခြီရင်းစခန်းတိ၏ လတ္တီကျုနာင့် လောင်ဂျီကျုတိကို ရဟိပါရေ။ ယင်းနောက်မှာ ဆက်ပြီးကေ တွက်ချက်လိုက်ကေ ယင်းစခန်းရေ ပင်လယ်ရီမျက်နှာပြင်အထက် ဇာလောက် အမြင့်မှာ ဟိလဲဆိုစွာကို သိဟိနိုင်ပါရေ။ တောင်ခြီရင်းမြီပြင်တည်မှတ် (baseline)ကိုသိကေ အယင်းရှေးရိုးနည်းအတိုင်း Trigonometry ကို သုံးပြီးကေ တောင်အမြင့်ကို တွက်ချက်နိုင်ပါရေ။ ယင်းအီတလီအဖွဲ့၏ တိုင်းတာချက်အရ ဧ၀ရတ်တောင်၏အမြင့်ရေ ၂၉၁၀၈ ပေ (၈၈၇၂ မီတာ) ဟိပြီးကေ K-2 တောင်ထက် ပေ ၈၄၀ (၂၅၆မီတာ) ပိုမြင့်ရေလို့ ကောက်ချက်ချခပြီးကေ ဝေါလာစတိန်း၏ ဝေဖန်ချက် မှားယွင်းကြောင်း သက်သေပြခပါရေ။

ဝေါလာစတိန်းကိုယ်တိုင်ကလည်း K-2ကို ကမ္ဘာ့အမြင့်ဆုံးတောင်ဟု ကြွေးကြော်ခခြင်းမှာ အလောကြီးခ ကြောင်း သူတိုင်းတာမှုတိ ပြုလုပ်ခါက သူ့၏ ဂြိုလ်တုဆက်သွယ်ရေး ရေဒီယိုမှာ ဓာတ်ခဲကုန်လားခရေ အတွက်ကြောင့် သူ့အချက်အလက်တိကို သေသေချာချာ စီစစ်ဖို့အားနည်းခကြောင်းကိုလည်း ၀န်ခံခပါရေ။ ယင်းအတွက်နာင့် ဧ၀ရတ်တောင်မှာ အဂုအချိန်ထိ ကမ္ဘာ့အမြင့်ဆုံးတောင်အဖြစ် ဟိမ၀န္တာတောကြီးထဲမှာ မားမားမတ်မတ်တည်ဟိမြဲ တည်ဟိလျက်ဟိနိန်ပါကြောင်း။ ။

မှီငြမ်းချက်

1. Reader's Digest, How in the World?: A Fascinating Journey Through the World of Human Ingenuity, Pleasantville, New York, 1990.

2. Wilford, John Noble, Everest, the Old Champion, Is Crowned Anew, , accessed December 11, 2009.

3. Space and Tech, NAVSTAR GPS - Summary, , accessed December13, 2009.

4. Lutgens, Frederick K., Tarbuck, Edward J., Tasa, Dennis, Foundations of Earth Science, 5th Edition, New Jersey, Prentice Hall, 2008.

Wetland သို့မဟုတ် "အကျိုးမြီ"

လွန်ခရေနှစ်တိထဲမှာ ရခိုင်ပြည်နာင့် ဗမာပြည်က ရာသီဥတုဖောက်ပြန်နိန်စွာတိကို မကြာမကြာကြားလာရပါရေ။ စစ်တွေနာင့် တချို့ဒေသတိမှာ ခါတိုင်းထက် ချမ်းလာစွာတိ၊ ပိုအားကောင်းရေ မုတ်သုန်မုန်တိုင်းတိက ၀င်ရောက်လားခစွာတိကို ဖတ်သိမြင်သိ
နိန်ရပါရေ။ ယင်းပိုင် ဒေသအလိုက်ဆိုရွားမှုတိကို သိပံ္ပနည်းကျ လေ့လာဆန်းစစ်မှုတိ လိုအပ်နိန်ရေ အချိန်မှာ သတင်းတစ်ပုဒ်ကြားရစွာက ဆူနားမီနောက်၃ရက်အတွင်းမှာ တိုက်ဖို့ဆိုလို့ ရခိုင်ပြည်သူတိ ကြောက်နိန်ကတ်ရရေဆိုရေ သတင်းပါ။ ဆူနာမီလာဖို့ဆိုစွာကို ဇာသိပံ္ပပညာရှင်ကလေ့ ၃ရက်မပြောပါကေ့၊ ၁ရက်တောင် ကြိုမသိနိုင်ပါဂါ။ ဖြစ်ပေါ်လာရေ ကမ္ဘာ့မြီအောက်ပိုင်း မတည်ငြိမ်မှုတိဖြစ်ပြီး နာရီပိုင်းအတွင်းမှာ လာနိုင်စွာပါဂါ။ ယထာဘူယျမကျရေ ကောလဟာလသတင်းတိကြောင့် ကိုယ့်ရခိုင်သူရခိုင်သားတိ စိုးရိမ်ကြောင့်ကြ ကြရလို့ စိတ်မကောင်းဖြစ်မိပါရေ။ ယင်းပိုင်သျှောင် သဘာဝပတ်ဝန်းကျင်နာင့် သိပ္ပံလေ့လာချက်တိကို ပိုမိုသိဟိနိုင်ဖို့ တစေ့တစောင်း အနေနာင့် အေဆောင်းပါးကို ရွီးလိုက်ရပါရေ။ သဘာဝပတ်ဝန်းကျင်နာင့် ပတ်သက်ပြီးကေ အေဂုခေတ်မှာ လေ့လာမှုတိ ကောင်းများလာပါရေ။ ကိစ္စတစ်ခုကို ယေဘုယျလေ့လာစွာထက် စောက်နက်လေ့လာ လာကတ်တေ ခေတ်ရိလူတန်းစားတိမှာ လေ့လာနိန်ရေ အကြောင်းအရာတိက အများကြီးပါ။ ယင်းအထဲက Wetland လို့ခေါ်ရေ "အကျိုးမြီ" အကြောင်းကို အကျဉ်းချုပ်ရွီလားဖို့ဖြစ်ပါရေ။

အတိုချုပ်ပြောရဖို့ဆိုကေ အကျိုးမြီဆိုစွာက အကျိုးပြုရေ သဘာဝမြီပါ။ "အကျိုးမြီ"ဆိုစွာကို သေချာမပြောခင် သူ့အဓိပ္ပာယ်ဖွင့်ဆိုချက်ကို စိကေချေလေ့လာကတ်ပါမေ။ အင်းဂလိပ် ဘာသာအရ Wetland "စွတ်စိုနိန်ရေမြီ"လို့ ခေါ်ပါရေ။ Wetlandလို့ဆိုကေ ရီဟိကေ ပြီးပျာယ်လား၊ ရီနာင့်စိုနိန်ကေပြီးပျာယ်လားလို့ မိန်းစရာဟိပါရေ။ အမေရိကန်ပြည်ထောင်စု သဘာဝပတ်ဝန်းကျင် ထိန်းသိမ်းရီးအေဂျင်စီနာင့် "ရီထု သန့်စင်ရီးဥပဒေ"တိက အဓိပ္ပာယ်ဖွင့်ဆိုစွာက "မြီပြင်ရီထုနာင့် မြီအောက်ရီလမ်းကြောင်းတိက အပင်တိပေါက် ရောက်နိုင်လောက်အောင် ထောက်ပံ့ပီးနိုင်ရေ မြီ"လို့ ဆိုပါရေ။ တနည်းအားဖြင့်ပြောရဖို့ဆိုကေ အကျိုးမြီလို့ ခေါ်ဆိုနိုင်ဖို့ ရီ၊ အပင်။ မြီသား သုံးခုသော အင်ဂါရပ်နာင့် ပြည့်စုံရပါဖို့လို့ ဆိုလိုခြင်း ဖြစ်ပါရေ။ တချို့သိပ္ပံပညာရှင်တိကတော့ ယင်းအင်ဂါသုံးခုထဲက တစ်ခုခုနာင့် ပြည့်စုံကေ ပြီးယာလို့ ဆိုပါရေ။
ယင်းချင့်ကို ထောက်ခံရေအနိန်နာင့် အမေရိကန်ပြည်ထောင်စု "ငါးနာင့်တောရိုင်းသတ္တ၀ါဌါန" ကလည်း ယင်းအင်ဂါရပ်သုံးခုထဲက တစ်ခုခုနာင့် ပြည့်စုံကေ အကျိုးမြီလို့ ခေါ်နိုင်ရေလို့လည်း သူ့ဥပဒေပြဌါန်းချက်တိမှာ ရွီးစွာကိုလည်း တွိရပါရေ။ ယင်းကြောင့် စွတ်စိုနိန်ရေမြီလို့ အင်းဂလိပ်ပိုင်သုံးစွာရေ တစိချေ မပြည့်စုံလို့ ပြောလို့ရရေပိုင် ပြည့်စုံလောက်ယင့်လို့လည်း ပြောလို့ရပါရေ။

ယေကေ နောက်တစ်ဆင့်အနိန်နာင့် အကျိုးမြီဆိုစွာက ဇာလဲ။ ဇာကိုအတိအကျပြောစွာ ပါလဲဆိုစွာကို လေ့လာကြည့်ကတ်ပါမေ။ အကျိုးမြီဆိုစွာ မြီထုနာင့် ရီထုကြားမှာ ဆက်စပ်နိန်ရေ ကြားစပ်နယ်ကို ခေါ်ပါရေ။ အကျွန်ရို့ရခိုင်ပြည်မှာ မြစ်ချောင်းအင်းအိုင် ပေါပါရေ။ ယင်းမြစ်ချောင်းနားမှာ အပင်တိအများကြီး ပေါက်ပါရေ။ ရီချိုမှာလည်း ရီချိုအလျောက်၊ ရီငန်မှာလည်း ရီငန်အလျောက် ပေါက်ကတ်ပါရေ။ တချို့အပင်တိက ချုံပုတ်ချေတိအနိန်နာင့် ပေါက်နိန်ရေ အပင်ချေတိဟိရေပိုင် တချို့အပင်တိကလည်း ကြီးနိုင်ပါရေ။ ဥပမာ - အုန်းပင်၊ ပံလင်ပင်အစဟိရေ အပင်အမျိုးအစားတိအများကြီးကို တွိရပါဖို့။ ယင်းပိုင်ရီသားနာင့် မြီသားကြားမှာ တည်ဟိနိန်ရေ ကြားစပ်နယ်ကို ခေါ်စွာပါ။ တချို့အကျိုးမြီတိဆိုကေ လူတိကအကျိုးဟိရေလို့တောင် မထင်ကတ်ပါ။ ဥပမာ နွံအိုင်တိပါ။ တချို့အကျိုးမြီတိကို အနံနာင့်တောင် ခွဲလို့ရပါရေ။ ဇာဖြစ်လို့လဲဆိုကေ အနံ့အသက် မကောင်းလို့ပါ။ ယင်းမကောင်းရေ အနံ့တိကို ယင်းအကျိုးမြီမှာ သက်ဟိနိန်ထိုင်ကတ်တေ ပိုးမွှားချေတိ (microbes)တိက ထုတ်လွှင့်ပီးလို့ပါ။ မြီပွင့် (Sand or Silt or Clay particles) တိကြားမှာ ဟိရေ လီနိန်ရာတိရေ ရီတိနာင့် ပြည့်လားရေခါ အောက်စီဂျင်ဓာတ်ရေ နည်းပါးလာပါရေ။ တနည်းအားဖြင့် အင်းဂလိပ်ပိုင်ဆိုကေ Anaerobic Condition ဖြစ်လားရေလို့ ဆိုပါရေ။ ယေခါ ယင်းပိုးမွှားတိက မကောင်းရေ အနံ့ဆိုးတိကို ထုတ်ပီးခြင်းဖြစ်ပါရေ။ ယင်းပိုင်ပျာယ် အောက်စီဂျင်နည်းပါးရခြင်းက မြီထုသဏ္ဍာန်ကို ပြောင်းလဲစီပြီးကေ ယင်းအကျိုးဆက်အဖြစ် ယင်းမြီအမျိုးအစားမှာ ပေါက်နိန်ရေ အပင်သဏ္ဍာန်ကိုလည်း ပြောင်းလဲစီပါရေ။ မြီသားအရောင်တိဆိုကေ အမဲရောင်၊ မဟုတ်ကေ မဲပြာပြာအရောင်တိဖြစ်လားပါရေ။ တချို့အပင်တိဆိုကေလည်း အမြစ်တတိုချေနာင့်၊ မဟုတ်ကေ ပုံမှန်အပင်မြစ်ပုံစံမပေါက်ဘဲနာင့် ကားရီကားရား ပုံသဏ္ဍာန်မျိုး ဆောင်နိန်တတ်ပါရေ။

အကျိုးမြီ၏ အဓိပ္ပာယ်နာင့် သူ့၏ အသွင်လက္ခဏာတိကို သိဟိစွာက ဟုတ်ပါပျာယ်။ သူက သဘာဝကို ဇာပိုင်အထောက်အကူပြုပါလဲ၊ လူသားတိကို ဇာအကျိုးဟိစီပါလေ။ အကျွန်ရို့ ရခိုင်ပြည်မှာ မိုးကြီးပါရေ။ အညာရီပေါက်ပါရေ။ မုန်တိုင်းတစ်ခုကျကေ မိုးကြိုးပစ်လို့၊ အိမ်ပြိုလို့ သီရေလူထက် ရီကြီးလို့ ရီတက်လို့ သီရေလူက ပိုများတတ်ပါရေ။ ကမ်းရိုးတန်းတလျှောက်မှာ အဖရခိုင်ပြည်၏ ရီပြင်ကို အမှီသဟဲပြုပြီးကေ အသက်မွီးဝမ်းကျောင်းနိန်ကတ်ရရေ ရခိုင်သူရခိုင်သားတိအတွက် အန္တရာယ်ကြီးလှပါရေ။ ရီတတ်လာနိုင်ရေ မြစ်ချောင်းနာင့် လူနိန်အိမ်ခြေကြားမှာ ဟိနိန်ရေ အကျိုးမြီတိကိုရာ ရှင်းပလိုက်ဖို့ဆိုကေ ပိုပြီးကေ အန္တရာယ်ကြီးလားပါဖို့။ ယင်းအပင်တိက မြီကြီးကို ဆုတ်ထားပိုင်ဖြစ်ပြီးကေ ကမ်းပြိုခြင်း ရီကြီးခြင်းတိကို တဘက်တလမ်းက ကာကွယ်ပီးနိန်စွာပါ။ ယင်းအတွက် ကြောင့် အကျိုးဟိလှပါရေ။

နောက်အကျိုးကျေးဇူးတစ်ခုက ရီသန့်စင်ခြင်းပါ။ အကျိုးမြီတိရေ နေရာအနှံ့အပြားက စီးဆင်လာရေ ရီတိကို သူ့ဘားမှာ တင်စီပြီးကေ မြီသားအလွှာအထပ်ထပ်ကနိန်တဆင့် တဖြည်းဖြည်းသန့်စင်ပီးပြီးကေ မြီအောက်ရီကန် (underground watertable) နာင့် တခြားရီလမ်းကြောင်းထဲတိကို ပို့ပီးပါရေ။ စီးဆင်းလာစွာ ရီတိက အစတည်ရေနိန်ရာကို လိုက်ပြီးကေ အညစ်အကြေးအမျိုးမျိုး ပါလာနိုင်ပါရေ။ ဥပမာ - ကုန်ထုတ်စက်ရုံတိက ညစ်ညမ်းရီတိ၊ လယ်ကွင်းက ဓာတ်မြေသြဇာဓာတ်တိနာင့် ရီတိ၊ ကားဝက်ရှုပ်က စီးဆင်းလာရေ စက်ဆီချောဆီတိပိုင်ပါ။ တချို့အင်းဂျီဖွတ် သပုန်တိထဲမှာပါလာရေ Phosphorus ဓာတ်သတ္တုကလည်း သဘာဝကို ညစ်ညမ်းစီပါရေ။ ယင်းအညစ်အကြေးတိကို အကျိုးမြီက သန့်စင်ပီးနိုင်ပါရေ။ အမေရိကန်ပြည်ထောင်စုက ရီသန့်စင်ရီးစက်ရုံတိ (Water Treatment Plants)ရေ သဘာဝက သန့်စင်ပုံစံကို မှီငြမ်းပြီးကေ ဆောက်လုပ်ထားကတ်စွာတိပါ။ တချို့ဒေသတိမှာဆိုကေ ကုန်ထုတ်စက်ရုံတိက ထွက်ဟိလာရေ ညစ်ညမ်းရေ ရီတိကို ယင်းအကျိုးမြီထက်မှာ ဖြန်းစီပြီးကေ သန့်စင်စီပါရေ။ သဘာဝက အလိုအလျောက် စီမံပီးထားရေ ကောင်းတန်ဖိုးကြီးရေ ယန္တာရားတစ်ခုဖြစ်ပါရေ။ ယင်းအတွက်ကြောင့်လည်း အကျိုးမြီကို "သဘာဝ၏ ကျောက်ကပ်"လို့ တင်စားကတ်ပါရေ။ ကျောက်ကပ်က လူ့ခန္ဓာက အညစ်အကြေးတိကို သန့်စင်နိုင်မှုနာင့် နှိုင်းမှုသဟု ပြုကတ်ပါရေ။ ကိန်းကဏန်းတိအရဆိုကေ မြီအောက်ရီကန်ထဲမှာ ထုထည်ကုဗကီလိုမီတာ သန်းပေါင်း ၂၃.၄ ဟိပါရေ။ ကမ္ဘာ့ရီထုထဲက တတိယအများဆုံး ရီဟိရေ နိန်ရာဖြစ်ပါရေ။ အမေရိကန်ပြည်ထောင်စုမှာ သုံးစွဲရေ ရီအားလုံး၏ ၂၄ ရာခိုင်နှုန်းရေ မြီအောက်ရီကန်က ရစွာပါ။ အကျွန်ရို့ ရခိုင်ပြည်မှာ မိုးရေချိန်များလို့ ရီပြဿနာက အေလောက်မဆိုးလို့ ပြောလို့ရကေလေ့ ရီသန့်ထုတ်လုပ်ရီး ပြဿနာက ကောင်းဆိုးပါရေ။ အထက်တန်းကျောင်းတိက ဓာတုဗေဒဘာသာရပ်မှာ PH 7 ဟိရေ ရီရေ ရီအသန့်ဆုံးဖြစ်တေလို့ သင်နိန်ရကေလေ့ သောက်နိန်ရရေ ရီတိကို ပုံမှန် PH စစ်တေလို့ မကြားဘူးမမြင်ဘူးပါ။ နယ်ဘက်မှာဆိုကေ ပိုတောင်ဆိုးပါရေ။ ရီအရောင်ကို ကြည့်လိုက်စွာနာင့်ကို သိနိုင်ပါရေ။ ယင်းပိုင်ရီကို မသောက်ချင်ကေ မြီအောက်ရီကန်က နိန်ပြီးကေ သောက်လို့ရပါရေ။ ညစ်ညမ်းမှုကင်းရေ နိန်ရာနားမှာ အ၀ီစိတွင်းတိတူပြီးကေ သောက်နိုင်ပါရေ။ ယင်းရီတိရေ သဘာဝက သူ့အလိုအလျောက် သန့်စင်ပီးထားရေ ရီပါ။ ၀ါကြင်ကြင်ရီိကို သောက်စွာထက်စာကေတော့ခါ အများကြီးသန့်ပါရေ။ စနစ်တကျလေ့လာစမ်းသပ် စစ်ဆီးသန့်စင်ထားရေ ရီရနိုင်ကေတော့ခါ အကောင်းဆုံးပါပျာယ်နင်းရာ။ လောလောဆယ် ရီသန့်မ၀ယ်နိုင်ကေ ယင်းမြီအောက်ရီတိက သင့်တော်ပါရေ။ ယင်းပိုင်အကျိုးကျေးဇူးတိပီးရေ အကျိုးမြီိကို ကာကွယ်စောင့်ရှောက် သင့်ပါရေ။ နောက်အကျိုးဆက်တစ်ခုကတော့ခါ ဂေဟက်စနစ် (Ecosystems)ထဲမှာ တည်ဟိနိန်ကတ်တေ တခြားသတ္တ၀ါတိအတွက်ပါ အသုံးဝင်ခြင်းပါ။ သန္တာကျောက်ဆောင်တိ (Coral Reef) နာင့် အပူပိုင်းသစ်တော (Rain Forest)တိနာင့်အတူ အကျိုးမြီဆိုစွာလည်း ဂေဟစနစ်အတွက် အရီးကြီးဆုံးထဲက တစ်ခုပါ။ ဥပမာ - အကျိုးမြီမှာ လာပြီးကေ တချို့ငါးနာင့် အခွံပါတ္တ၀ါ(Shellfish) တိရေ မျိုးဥဖောက်ခြင်း၊ မျိုးပွားခြင်းတိကို ပြုလုပ်တတ်ကတ်ပါရေ။ ယင်းအကျိုးမြီကို ရှင်းလင်းပလိုက်ကေ အကျွန်ရို့ ရခိုင်ပြည်က တံငါသည်ကြီးတိ ငါးရနှုန်းနည်းပါးလားနိုင်ပါရေ။ စီးပွားရီးယန္တရား သဘာဝအရ ထုတ်ကုန်(Supply)ကျလားပြီးကေ လိုကုန်(Demand)က ယင်းအတိုင်းရာဆိုကေ ကုန်ဈေးနှုန်းကြီးလာပါဖို့။ ငါးဈေးနှုန်းတက်လာကေ ပြည်သူတိကို ထိခိုက်စီပါဖို့။ ယင်းအတွက်ကြောင့် ဂေဟစနစ်လို့ဆိုရေပိုင် တစ်ခုနာင့်တစ်ခု ဆက်စပ်နိန်စွာပါ။ နောက်တစ်ခုက ယင်းအကျိုးမြီရေ တချို့ငှက်တိအတွက် စားကျက်ပါ။ ယင်းအကျိုးမြီရာမဟိဆိုကေ ယင်းငှက်တိအစာယှာရေ နိန်ရာရေ ပြောင်းလားပါဖို့။ ယင်းငှက်တိရေ တောင်သူဦးကြီးတိ စိုက်ထားရေ ကောက်ပဲသီးနှံတိကို လာစားနိုင်ပါရေ။ ယင်းပိုင်ပပျာယ် တခြားတိရိစ္ဆာန်တိ၊ မျက်စိနာင့် မမြင်နိုင်ရေ ပိုးမွှားချေတိ၊ အပင်တိကိုလည်း ထိခိုက်ပြုန်းတီးစီနိုင်ပါရေ။ ယင်းအတွက်ကြောင့် အကျိုးမြီကို ကာကွယ်သင့်ပါရေ။

ထိရောက်တေ ကာကွယ်နိုင်မှုတိပြုလုပ်နိုင်ဖို့အတွက် ဥပဒေပြုမှုတိ လိုအပ်ရေပိုင် ပညာပီးလုပ်ငန်းတိလည်း လိုအပ်ပါရေ။ ယင်းမှရာ ရေရှည်အကျိုးကျေးဇူးကို ခံစားနိုင်ဖို့ဖြစ်ပါရေ။ ၁၉၇၀ ခုနှစ်မတိုင်ခင်က အမေရိကန်ပြည်ထောင်စုမှာဆိုကေ နိုင်ငံတိုးတက်ရီးဆိုပြီးကေ ရရေနိန်ရာမှာ လမ်းတိဖောက်၊ စက်ရုံတိဆောက်ခကတ်ပါရေ။ စီးပွားရီးရှုထောင့်တစ်ခုထဲကရာ ကြည့်ပြီးကေ (ဂေဟစနစ်ရှုထောင့်က မကြည့်ခပါ။) လုပ်ပလိုက်စွာ အကျိုးမြီတိ အများကြီး ပြုန်းပါလားပါရေ။ ကယ်လီဖိုးနီးယားပြည်နယ်မှာဆိုကေ ဟိရေအကျိုးမြီ၏ ၉၀ ကနိန် ၉၅ ရာခိုင်နှုန်းထိ ဆုံးရှုံးလားပါရေ။ အကျိုးမြီကို ထိခိုက်စီရေ လုပ်ဆောင်ချက်တိကို ၁၉၇၀ခုနှစ်က စပြီးကေ တားမြစ်ထားပါရေ။ မိမိဆောက်လုပ်ဖို့ စီမံကိန်းတစ်ခုရေ အကျိုးမြီိကို တနည်းနည်းနာင့် ထိခိုက်မှု မပြုနိုင်အောင် ရှောင်ရှားကတ်ရပါရေ။ အစိုးရပါးက ခွင့်ပြုချက် (Permit)ဟိမှ လုပ်ကတ်ရပါရေ။ ထိခိုက်မှုကို တတ်နိုင်သလောက်နည်းပါးအောင် ပြုကတ်ရပြီးကေ ထိခိုက်ခကေလည်း လျော်ကြေးပီးကတ်ရပါရေ။ ဥပမာ - အကျိုးမြီ ဧကနှစ်ဧကကို မြီဖို့ပြီးကေ အထက်က လမ်ခင်းပလိုက်ကေ ယင်းလမ်းနာင့် (ဖြစ်နိုင်ကေ) အနီးဆုံးနိန်ရာမှာ အကျိုးမြီအသစ်တစ်ခုကို ပြုလုပ်စီပါရေ။ မဟုတ်ကေ ပြုလုပ်ပြီးသားအကျိုးမြီတိကို ရောင်းစားရေ ဘဏ်တိဘားက ၀ယ်ရပါရေ။ နောက်တစ်ခုက ပြည်သူတိကို အကျိုးမြီ ဇာလောက် အရီးကြီးလဲဆိုစွာကို အသိပီးခြင်းဖြစ်ပါရေ။ အစိုးရက အရာရာကို ဥပဒေနာင့် ထိန်းချုပ်စွာထက် ပြည်သူတိကို ပညာပီးပြီးကေ ပြည်သူတိ၏ ကျင့်ဝတ္တရားတစ်ရပ်ပုံစံမျိုးနာင့် သဘာဝကို ချစ်မြတ်ကာကွယ်လားနိုင်အောင် လုပ်ပြီးကေလည်း အကျိုးမြီကို ကာကွယ်နိုင်ပါရေ။

အကျွန်ရို့ရခိုင်ပြည်ကတော့ အမေရိကားလောက် ခရီးမရောက်နိုင်ပါသိ။ ရခိုင်ပြည်အချိန်ဟုန်မြင့်တိုးတက်ဖို့အတွက် အခြေခံအဆောက်အုံ (Infrastructure)နာင့် ဖွံဖြိုးရီးလုပ်ငန်းတိ အများကြီးလိုအပ်ပါသိရေ။ ဆေက်စရာ၊ ဖောက်စရာ အဆောက်အအုံတိ လမ်းတိ အများကြီးလိုပါသိရေ။ ယေကေလေ့ တိုးတက်မှုကို လုပ်ဆောင်ရေအခါမှာ စီးပွားရီးရှုထောင့်အပြင် တခြား ဂေဟက်ရှုထောင့်၊ တခြားသမိုင်းရှုထောင့် (ဥပမာ - သမိုင်းဝင်မြီတိကို ဖြတ်ပြီးကေ၊ ဖျက်ပြီးကေ ဆောက်လုပ်တေ စီမံကိန်းမျိုး) တိကိုလည်း ထည့်သွင်း စိုင်းစားရဖို့ဖြစ်ပါရေ။ သဘာဝဓာတ်ငွေ့လိုင်းတိကို တောတောင်ချိုမြောင်ကြားတိက ဖောက်လုပ်ကေ ဇာအကျိုးဆက်တိက ဖြစ်နိုင်ဖို့လဲဆိုစွာကို ထည့်သွင်းစိုင်းစားရဖို့ဖြစ်ပါရေ။ တိုးတက်မှုကို လုပ်ဆောင်ရေအခါမှာ ကိုယ်ရိက လူတိ၊ နိုင်ငံတိ လုပ်ဆောင်ချက်တိထဲက အမှားတိကို စံနမူနာယူပြီးကေ ရေရှည်ကောင်းမွန်ရေ ပေါ်လစီကို ချတတ်ဖို့ အရေးကြီးပါရေ။ နိုင်ငံတစ်နိုင်ငံ မဖွံဖြိုးခင် လုပ်ဆောင်ချက် ၁၀ခုမှာ ၂ခုက မှားနိန်ကေ အကျွန်ရို့ ရခိုင်ပြည်တိုးတက်ရီးကို လုပ်ဆောင်ရေခါ ယင်းအမှားနှစ်ခုကို ရှောင်ခြင်းအားဖြင့် အချိန်တိ၊ ဖဲ့ချာတိ အများကြီး သက်သာပါဖို့။ သဘာဝပတ်ဝန်းကျင်ကိုလည်း ထိခိုက်မှုနည်းပါဖို့။ ယင်းအတွက်နာင့် သဘာဝပတ်ဝန်းကျင်၊ ဂေဟစနစ်တိရေ လူ့အဖွဲ့အစည်းနာင့် ဆက်စပ်နိန်မှုတိကို သေချာသိဟိထားဖို့လိုအပ်ပါရေ။

ပြောင်းလဲမှုတိုင်း၏ နောက်မှာ အကြောင်းပြချက်တိက အမြဲတမ်းဟိစမြဲပါ။ ရာသီဥတု ဇာကြောင့် အေပိုင်ပြောင်းလဲလာရလေ၊ ဆူနာမီဇာကြောင့် ဖြစ်ရလေ ဆိုစွာတိအားလုံး၏ နောက်ကွယ်မှာ ယင်းရို့၏ အဖြေ (သို့မဟုတ်) အကြောင်းပြချက်တိရေ ဟိစမြဲပါ။ ယင်းအကြောင်းပြချက်တိကို သေချာသိပ္ပံနည်းကျရှင်းလင်းနိုင်သီဖြစ်စီ၊ မပြနိုင်သီဖြစ်စီ ယင်းအကြောင်းပြချက်ကတော့ တည်မြဲနိန်စမြဲပါ။ ယင်းအကြောင်းပြချက်တိကို လေ့လာရေလူကရာ သိဟိဖို့ဖြစ်ပါရေ။ ယင်းပိုင်သျှောင် လေ့လာဖော်ထုတ်နိုင်မှုရေ ပဓာနကျပါရေ။ လေ့လာရေလူတိကရာ သဘာဝပတ်ဝန်းကျင် ပြောင်းလဲမှုအပြင် တခြားဘာသာရပ်တိ၊ အကြောင်းအရာတိကိုလည်း ရှာဇွေဖော်ထုတ်နိုင်ဖို့ဖြစ်ပါရေ။ ပြဿနာတစ်ခုကို ယေဘုယျထင်မြင်ချက် ပီးစွာထက် ခေတ်ရိရခိုင်လူတန်းစားတစ်ရပ်ဖြစ်နိုင်အောင် ဆထက်တပိုး စောက်နက်လေ့လာသင့်ကတ်ပါကြောင်း .....

မှီငြမ်းချက်

1. Bass, Ronald E.; Herson, Albert I.; Bogdan, Kenneth M. The NEPA Book: A step-by-step guide on how to comply with the National Environmental Policy Act, page. 143, Salt Lake City, Utah, Solano Press, (2001).

2. Benedict, Mark A.; McMahon, Edward T. Green Infrastructure: Linking Landscapes and Communities, page171, Washington DC, Island Press, (2006).

3. Hofmann Wetland Mitigation, Importance of Wetlands, , accessed September 2008.

4. Nolon, John R. Open Ground: Effective Local Strategies for Protecting Natural Resources, page 457, Washington D.C, The Environmental Law Institute, (2003).

5. Mulamoottil, George.; Warner, Barry G.; McBean, Edward A. Wetlands: Environmental Gradients, Boundaries and Buffers, page 115. CRC Press, (1996).

6. Stedman, Susan-Marie.; Hanson, Jeanne. Habitat Connections: Wetlands, Fisheries and Economics, , accessed September 2008.

7. U.S. Environmental Protection Agency (2008), Wetlands Definition, , accessed September 2008.

8. U.S Environmental Protection Agency, What are Wetlands, , accessed September 2008.

9. U.S Environmental Protection Agency, Section 401 Certification and Wetlands, , accessed September 2008.

10. Wu, Meiyin.; Kalma, Dennis. (2007), Vegetative Assessment of Wetland Sites, , accessed September 2008.

Sunday, November 22, 2009

On-Line Masters in International Community-Development

New On-Line Masters in International Community-Development jointly offered by the University of Victoria and the Society for Participatory Research in Asia (PRIA)

Start Date

June 1 2010

End Date

June 1 2012

Location

On-line Teaching and Learning

Event summary

This new distance Master’s course links PRIA to the University of Victoria. It is brand new and very unique.
PRIA and the University of Victoria would like to remind applicants that applications are still being accepted for the June 2010 intake of the MA Community Development: International Perspectives on Participatory Development & Governance.
We have already filled half the places for the June 2010 cohort, so prospective applicants are encouraged to apply now to ensure their place on this unique, exciting program.
Full course and program details as well as application procedures are available at: http://publicadmin.uvic.ca/macdi
A list of potential scholarship opportunities can be found on the UVic website at http://pubicadmin.uvic.ca/programs/graduate/maincommunitydevelopmentint/scholarship.php, and general information for University of Victoria scholarships can be viewed here: http://registrar.uvic.ca/safa/

If you have any queries relating to the MA Community Development (International) program please do not hesitate to contact PRIA at (macdi@pria.org) or the University of Victoria School of Public Administration (macdi@uvic.ca).

Sent by: Budd Hall and Rajesh Tandon

Thursday, November 19, 2009

Science Education for New Chapters of Arakan

We all know the bullet trains in Japan run very fast. We all have seen the tallest skyscrapers of America in Hollywood movies. We all have heard how Internet has been changing the cultures of human race. From Tokyo to Toronto, from Sydney to Seattle, more and more things are better understood scientifically and newer technology is being made everyday. Though technology advancements are being felt in Arakan such as an increasing number of internet users, the pace of change is extremely slow; let alone understanding how bullet train operates, how skyscrapers are built, and how computers are made. One thing we should keep in mind is that all of these technology achievements will not be possible unless solid understanding of scientific theories has been grasped. Therefore, Arakanese should learn science more vigorously if our Fatherland is to be seen as a prosperous land in near future.

Over the years, the meaning of the word ‘science’ has become broader and no simple all-encompassing definition of science is possible. (Originally, the word ‘Science’ comes from Latin word ‘Scientia’ meaning knowledge (1).) No matter how it is defined, it has at least two basic characteristics; explanatory and predictive (2). Science is able to explain why positively charged atom attracts to negatively charged one. Science is able to predict what the result will be after combining two hydrogen atoms and one oxygen atom (H2O = water). In other words, studying science will helps us explain about our nature, about the things we are using all the time, about land of Arakan on which we are walking on every single day.

Studying science is a continuing effort to discover and increase our knowledge and understanding through disciplined research. Classroom is usually the first place most of us learn about science. Middle school education is the most fundamental step of learning science. By the time the students are in high school, they are supposed to comprehend at least the major scientific theories before finally moving on to college. Science education is not just a few classes we take in school to go to next grade. In Arakan, classroom science covers some basic major theories but not thoroughly enough. The textbooks are so out of date and they do not include recent scientific discoveries and fail to support old theories with recent technology achievements. They also lack of supplementary materials such as good pictures, and figures. It is a common sense. If a science teacher is explaining electric field, having a diagram of electric field reacting to different charges will absolutely help the students understand. Otherwise, students will just memorize formulae and do plug-in-number work problems as it is currently the case in Arakan. Such practice might be simple enough for students to follow. However, it not only hurts the students in long term but also their personal and country’s future. Albert Einstein once said ‘Make things simple, but do not make simpler.’

Studying science is fun and interesting if we learn it right. For example, geography should not just be about memorizing states’ capitals. It can be studied scientifically to make it more fun and interesting by integrating Earth Science into it. We all have learned that Himalayas is home to the planet’s highest peaks. But few people know that it is formed as a result of Indian Plate hitting Eurasian Plate, a Plate of Europe and Asia, 20 million years ago. According to Plate Tectonics Theory that describes the large scale motions of Earth’s lithosphere, India was connected to the southeastern tip of Africa and it later broke free and began drifting north as part of the Indo-Australian Plate and collided with the Eurasian Plate and began to thrust upward (3). Such learning experience is amazing and can make us more curious about the world around us such as why earthquakes occur, why sources of oil and natural gas are also found offshore.

If we talk about science, we cannot skip the role of technology. From solid understanding of science and tireless research, new technology could be born. Technology can be defined as ‘Practical application of knowledge or ‘scientia’ to meet human needs or solve human problems’ (4). Nowadays, science and technology influences each other and they are in reality interwoven. For example, to invent new hybrid cars, the automakers have to apply a host of scientific theories. On the other hand, to test the physical properties of new materials, scientists have to use technical devices such as computers and data collection system to speed up their research.

Science and technology have been responsible for half of the growth of the American economy since WWII (5). United States have long been investing tens of billions of dollars every year in scientific research. The federal government is actively involving with both civil and defense research project. There are about 700 federal laboratories around the country. Though many labs are small, large labs like Los Alamos, Department of Energy lab employ about 12,000 people and the annual budget is around 2 billions dollar a year. The research fund is channeled through different agencies such as National Institutes of Health (NIH) and National Science Foundation (NSF). According to 2005 statistics, 16 billions dollars of research fund are awarded to NIH and 3 billions to NSF. Universities also play a huge role in doing research. Currently, there are about 200 Ph.D. granting universities where research is being carried out almost everyday in U.S. They enjoy both industry and federal government support. According to NSF data of 2004, John Hopkins University alone snatched 1.2 billion dollars of federal money (4).

To stay ahead in this global economy, scientific research has become extremely important. The overall relation between research and economy is obviously proportional. According to ScienceWatch.com, a website that tracks trends and performance in basic research, United States, the world largest economy is ranked the first among the countries that produce research papers on science related topics. It produced 2,959,661 papers in 2008. It is followed by Japan, the third largest economy with 796,807 papers (6).

It is out of question now for Arakan to compete with the most developed countries. But that does not necessarily mean that we should give up and stop studying. Arakan is in serious need of basic infrastructure. Like a human without spinal cord will be impossible to stand or sit up, the state without basic infrastructure will not be able to grow. The first bv transcontinental railroad, authorized by Pacific Railway Act signed by President Abraham Lincoln in 1862, was one of the most important infrastructures in American history that had boosted American economy in later years(7). And science plays a vital role in building infrastructure. For example, the current highway between the North and South of Arakan is filled with rutting, raveling and potholes. A good highway system is extremely needed for prosperous Arakan. A good highway could not only provide economic boost but also make the relationship of sons and daughters of Arakan warmer and closer. A good highway system needs a good planning. A good planning should consider all the factors such as meteorology, topography, geology, material science. To consider these factors, some extent of scientific knowledge is required. Without understanding the underlying scientific knowledge and theories, it will be impossible to build the safest and most efficient highway. For example, if we fail to consider the high rain fall, the road will be washed away. Even if we take into account of high rain fall, but if we fail drainage system aside the roadway, the highway will fail and the public as well as the trade will be in danger.

Science is not just something related to technology and modernism. It also lets us appreciate facts from fiction. A few years ago, a small volcano in southern Arakan erupted and one news media reported that local people believe the dragon inside the mountain was angry at the local people. It is a totally ridiculous thing to say and it is sad to know that there are some people who still believe in such things in 21st century. That indicates that science education is extremely in need there.

While most of Arakanese are not fortunate enough to study in fairly developing or developed countries, Arakanese abroad are even more responsible to catch up with current science education. There are a lot science and technology majors that can benefit Arakan when they go back home. One of these majors could be Marine Biology as Arakan is blessed with rivers and sea. Other students could study emerging hot subjects such as nanotechnology. One nanometer is equal to one billionth of a meter that is 100,000 times thinner than a strand of a hair. Basically nanotechnology is a technology development that manipulates materials’ properties to construct things since materials tend to behave differently in nanoscale. Over the years, it has been one of the most interested fields and more and more disciplines became involved ranging from applied physics to biological engineering. During the last few years, it has been applied to make super-strong materials, super-battery and other appliances. Some scientists even claim that it has potential to save the planet of earth from global warming by solving current energy crisis. While catching up with the most fundamental science subjects, it is also important to study the fairly new ones that have potential to put Arakan ahead.

Science is an extremely broad area of study. It is not just a school class where formulae are memorized to pass an exam. Studying any area of science can greatly benefit Arakan. Using scientific knowledge, we can understand how the bullet trains are made, how skyscrapers are built, how computers are made. From that moment on, we can harness that knowledge to make things that can meet our needs and goals. Our beloved Fatherland is full with natural resources. With robust science education, we can exploit these resources and write new chapters of prosperous Arakan.

Reference

1. Wiktionary, Scientia, <>, accessed August 24, 2009.

2. Levine, Dr. Aaron D., Defining Science, Lecture of PST 3127, Georgia Institute of Technology, January 15, 2008.

3. Lutgens, Frederick K., Tarbuck, Edward J., Tasa, Dennis, Foundations of Earth Science, 5th Edition, New Jersey, Prentice Hall, 2008.

4. 2. Levine, Dr. Aaron D., Politics of Science, Lecture of PST 3127, Georgia Institute of Technology, February 26, 2008.

5. The Alliance for Science and Technology Research in America, Science Debate 2008, , accessed September 2, 2009.

6. Thomson Reuters, Top 20 Countries in All Fields: 1998 – August 31, 2008, , accessed September 5, 2009.

7. Pacific Southwest Railway Museum, Railroad History, , accessed September 5, 2009.

မှတ်တမ်းတင်ထားစွာထဲက ကမ္ဘာ့အမြင့်ဆုံးနာင့် အနိမ့်ဆုံး အပူချိန်က ဇာလောက်လဲ။

- ကမ္ဘာ့အမြင့်ဆုံးအပူချိန်ကို မြောက်အာဖရိကတိုက်၊ ဆာဟာရ သဲကန္တာရဒေသဖြစ်တေ လစ်ဗျားနိုင်ငံ အဇီးဇီယာ (Azizia) အရပ်မှာ ၁၉၂၂ ခုနှစ်၊ စက်တင်ဘာလ ၁၃ ရက်နိန့်က တိုင်းတာရဟိခပါရေ။ အပူချိန်က ၅၉ ဒီဂရီ စင်ဒီဂရိတ် (၁၃၆ ဒီဂရီ ဖာရင်ဟိုက်) ပါ။ အနိမ့်ဆုံးကိုတော့ အများခန့်မှန်းနိုင်ရေအတိုင်း အန်တာတိက တိုက်မှာ ၁၉၆၀ ခုနှစ် သြဂုတ်လ ၂၄ ရက်နိန့်က ရှရှား Vostok စခန်းမှာ တိုင်းတာရဟိခပါရေ။ အနုတ် ၈၉ ဒီဂရီ စင်ဒီဂရိတ် (အနုတ် ၁၂၉ ဒီဂရီ ဖာရင်ဟိုက်) လို့ သိရပါရေ။

Freezer Burn လို့ခေါ်ရေ အအီးလောင်ခြင်းက ဇာကြောင့် ဖြစ်ရစွာပါလဲ။

- ရေခဲသတ္တာထဲမှာ အစားအသောက်တိကို အချိန်အကြာကြီး ထည့်ထားမိကေ နဂိုအရောင်ပျော့ပြီးကေ အဖြူရောင်ရီခဲတိတိုက်စားခြင်းခံထားရစွာကို ရီခဲသတ္တာသုံးစွဲရေ လူတိ သတိထားမိကတ်ပါဖို့။ ရီခဲသတ္တာနံရံမှာ ရီခဲခြင်းကို ကာကွယ်ဖို့အတွက် ရီခဲသတ္တာထဲမှာ dry air လီခြောက်ကို လည်ပတ်စီပါရေ။ ယင်းလီခြောက်က ရီ၏ ခဲနိန်ခြင်း သဏ္ဍာန်ကို လည်ပတ်နိုင်အောင် အငွေ့အဖြစ်ကို ပြောင်းလဲပီးပါရေ။ ယေခါ လီမလုံဘဲနန့် ထားထားရေ အစားအသောက်တိထဲကို လီခြောက်ဝင်ပြီးကေ ယင်းအစားအသောက်ထဲက စိုထိုင်းမှုတိကို ဖယ်ပလိုက်ပါရေ။ အချိန်ကြာလာရေခါ ယင်းအစားအသောက်တိ ခန်းခြောက်လားခစွာကို Freezer Burn ဖြစ်လားရေလို့ ခေါ်ကတ်ပါရေ။

မိုးလေ၀သခန့်မှန်းဖို့အတွက် လိုအပ်တေ အချက်အလက်တိကို ဇာသူက ထောက်ပံပီးပါလဲ။

- မိုးလေ၀သနာင့် ရာသီဥတုဆိုင်ရာ အချက်အလက်တိကို ကုလသမဂ္ဂက တည်ထောင်ထားရေ ကမ္ဘာ့မိုးလေ၀သနာင့် ဇလဗေဒ အဖွဲ့ကြီးက ထောက်ပံပီးပါရေ။ နိုင်ငံနာင့် ဒေသပေါင်း ၁၈၅ ခုကို ကိုယ်စားပြုထားရေ ယင်းအဖွဲ့ကြီးက ဒေသအသီးသီးက တိုင်းတာရဟိရေ သတင်းအချက်အလက်တိကို စုဆောင်းစီစစ်ပီးပါရေ။ ယင်းအဖွဲ့ကြီးအောက်မှာ ဂြိုလ်တု ၁၀ လံုး၊ မြေပြင်လေ့လာရီးစခန်း ၁ သောင်း၊ သင်းဘောစခန်း ၇၀၀၀၊ လေယဉ်တိ ထောင်ပေါင်းကျော် နာင့် အလိုအလျောက် သတင်းစုဆောင်းရီး ရီဘော (Buoys) ရာပေါင်းကျော်ရို့ ပါဝင်ရေ သတင်းစုဆောင်းရီးကွန်ယက်ကြီးဟိပါရေ။

Nanotechnology and Sustainable Environment

As the new technologies emerged to solve the human concerns and problems, they also tended to produce a new set of undesirable consequences that had ended up on the environment. In the case of United States, the invention of combustion engines created a booming industry of passenger car. On the other hand, other consequences such as emission of carbon dioxide and oil leakages from the cars have badly affected the environment causing her to be the world’s largest polluter. Currently, the new technology known as Nanotechnology (NT) is being praised as the possible candidate for overcoming society’s alarming concerns such as global warming. But other researchers argue that there are still a lot unknown about nano-materials and how their waste will react with the existing natural environment. Some point out that ethical and societal aspect must also be included in consideration before letting the technology for a broader use. Therefore, more concrete evidence is still needed to claim that nanotechnology can create the sustainable environment.

Nanotechnology is one of the very recent technologies. Its first definition came up in 1974 by Norio Taniguchi from Tokyo Science University. In his paper, he wrote that “nanotechnology mainly consist of the processing of, separation, consolidation, and deformation of materials by one atom or one molecule”1. Materials tend to behave differently in nanoscale and basically nanotechnology is a technology development that manipulates these materials’ properties to construct things. One nanometer is equal to one billionth of a meter that is 100,000 times thinner than a strand of a hair2. Over the years, it has been one of the most interested fields and more and more disciplines are getting involved ranging from applied physics to biological engineering. Though more discoveries are being made, questions whether the technology is suitable for sustainable environment has not yet been answered.

One of the recent discoveries is the application of nanoelectrolytes and nanoelectrodes for the purposes of energy conversion and storage. Due to the societal concerns over global warming and oil depletion in Middle East, a new source of alternative energy or a better energy efficient technology is critically needed. The current energy sources are challenging the environment as well as the whole human race. Burning of fossil fuel and biomass has polluted the atmosphere, oceans and ground water for decades. According to National Oceanic and Atmospheric Administration’s (NOAA), the concentrations CO2 in the atmosphere increased from approximately 280 parts per million (ppm) in pre-industrial times to 382 ppm in 20063. The energy efficiency of the automobile is approximately 30 percent. By making more efficient for the same input of energy, the pollution on the environment can be reduced. Application of nanoelectrolytes and nanoelectrodes in batteries, fuel cells and supercapacitors could prove to be a good alternative. Dispersing nanoscale inorganic fillers in electrolytes such as ethylene oxide can increase the conductivity several folds reducing the frictional loss of energy between electrons4. These energy efficient nanoelectrolytes-containing batteries can be used in hybrid automobile and the world’s air pollution can be curtailed dramatically. Unlike the conventional batteries, these new electrolytes contain no corrosive and explosive liquid. Therefore, any leakage to the environment can be avoided. However, high conductivity can also cause the shorter calendar life of the batteries. The current electron conducting materials are not sufficient enough to stand the high conductivity for a long period of time. Unless a new conductor is found, these batteries will not be available for commercial use. The critics also raise the decomposition of the solid electrolytes. So far, there is no cheap and simple way to deal with solid electrolytes waste.

Objects made using the nanotechnology are lighter and smaller resulting less usage of natural resources. In 1965, co-founder of Intel Corporation, Gordon Moore predicted that the number of transistors that could be fit in a given area would double every 18 months for the next ten years5. His prediction came true and became known as Moore’s Law. And the nanotechnology again reconfirmed the law in 21st century. The most obvious example is iPod made by Apple Inc. Not only the size of the iPod is smaller than portable cassette and CD player but also its storage space of songs is about 100 times bigger. In others words, the resources needed to make these portable players are reduced about 100 times to achieve the same purpose. Therefore, natural resources are saved and energy demand is lowered. However, there are some factors from which the environment cannot benefit.

Nanoparticles do not exist outside of the laboratory or factory as free particles. In other words, it can easily react with the surrounding environment and possibly evolve into new structure. If the products containing nanoparticles are made available for commercial use and disposed into the landfills, it is certain they will end up in the rivers and oceans. Like the plastic particles that now cover the ocean floor, some particles will settle down there. Some particles will get into their digestive tracts of the fish and other aquatic organisms. But unlike the plastic, it is certain they will not just stay inert. For example, spherical Fullerene, also known as ‘buckyballs’, has been using in nanotechnology and biomedical applications ranging from electronics to carriers of imaging materials since 1985. However, some researchers later found that its molecules stay in groups in water and can be toxic to microorganisms and fish. Recently, researchers at Virginia Tech discovered these aggregates of molecules become smaller upon the addition of citrate. However, they admitted that “at the present time we don’t know how they (aggregates of molecules) will fall apart and what their products are”6.

In an another study, conducted by Massachusetts Institute of Technology graduate student Desiree Plata and her colleagues, it was found that the process of making carbon nanotubes can have unintentional potentially harmful impacts on the environment. Carbon nanotubes are highly considered as the next “wonder material” because it is stronger than steel and more durable than diamonds. However, Plata found that the process of nanotubes can emit toxic hydrocarbons like those found in cigarette smoke and automobile tailpipe emissions. In the article published by Woods Hole Oceanographic Institution, Plata warned that “It is the indiscriminant use of poorly understood chemical that causes environmental and public health costs”7. Therefore, it is important not to make a quick conclusion that will affect both environment and the public.

Every conclusion made on the effects of nanotechnology should include not only the current technical expertise but also societal and ethical aspects8. Otherwise, sustainable environment will not be achieved. Learning from the past scientific discoveries, the chance of resulting new problems after solving old problems must be limited. It is totally unethical to leave serious troubles for the future generations and their society. For example, if the utilitarian approach is used to asses the technology, the future generation should also be included in utilitarian calculus as the one of the major stakeholders.

Moreover, some business owners might take advantages of the societal concerns for their own benefit. Their activities must be watched closely by the government and the standard guidelines and rules must be set to meet the maximum overall benefit for the people and to lessen the impacts on the environment. Over the recent years, the interest on the nanotechnology has been the highest. In 2004 alone, the worldwide NT R&D expenditures surpassed $ 12.6 billion8. However, there is still no regulation regarding nanomaterials and their waste in the United States except the city of Berkeley, California. Thomas Hobbes stated that life without government or rules can lead to the life in the state of nature; “continual fear, and danger of violent death”9. Therefore, the larger governmental role is equally important for the sustainable world.

In the last decades, new problems and stress has been put on the environment. New “wonder” technology is critically needed to overcome these problems and to make the environment sustainable. Moreover, that technology must also meet the societal and ethical expectations. Though nanotechnology can provide a great deal of possibility to solve the current problems, more studies on the nanomaterials and their wastes are needed. Therefore, nanotechnology, so far, fails to achieve the sustainable environment and more concrete evidence is needed.

Reference:

1. History of Nanotechnology. 24 May 2003. Creative Commons. 08 April 10, 2008. http://www.kheper.net/topics/nanotech/nanotech-history.htm
2. Nanotechnology Takes Off. 27 March 2007. Quest TV/Radio. 08 April 2008. http://www.kqed.org/quest/television/view/189?gclid=COuosvnu0ZICFQY9gQodNkErDg
3. Climate Change – Science. 20 December 2007. U.S Environmental Protection Agency. 09 April, 2008. http://www.epa.gov/climatechange/science/recentac.html
4. Antonino Salvatore Arico, Peter Bruce, Bruno Scrosati, Jean-Marie Tarascon & Walter van Schalkwijk. “Nanostructured Materials for Advanced Energy Conversion and Storage Device”. Nature Materials. 4 (2005): 366 -377.
5. Moore’s Law. 08 April, 2008. Jupitermedia Corporate Info. 09 April, 2008. http://www.webopedia.com/TERM/M/Moores_Law.htm
6. Citrate Appears to Control Buckyball Clumping But Environmental Concerns Remain. 06 April 2008. Virginia Tech. 09 April 2008. http://www.eurekalert.org/pub_releases/2008-04/vt-cat033108.php
7. Making Sure the Wonder Materials Don’t Become the Wonder Pollutant. 08 April 2008. Woods Hole Oceanographic Institution. 09 April 2008. http://www.eurekalert.org/pub_releases/2008-04/whoi-mst040808.php
8. Opinions on the Ethical, Legal and Social Aspects of Nanotechnologies. 13 February 2008. Wuppertal Institute (Germany). 09 April 2008. http://www.nanologue.net/
9. Class Notes 8: Social Contract Theory. 31 January 2008. Dr. Aaron D. Levine, Georgia Institute of Technology. 08 April 2008. http://www.t-square.gatech.edu

AS

Pages