အမှိုက်ကို ဂတ်စ်အဖြစ်သို့ ပြောင်းလဲခြင်း

အိမ်ထွက်အမှိုက်ပစ်ခြင်းရေ အပြင်ပန်းမှာတော့ ခေတ်မှီနည်းပိန်ညာတိ သုံးဖို့မလိုလို့ ထင်စရာ ဟိပါရေ။ အတ္တလန္တာအခြေစိုက် ဂျီအိုပလာစမာ(Geoplasma)ကုမ်ပဏီ၏ ဒေါက်တာ ဟလ်ဘင်း ဟလ်စ်တပ် (Hilburn Hillestad) ကတော့ လိုရေလို့ စောဒကတက်ပါရေ။ ပုံမှန်လုပ်ရိုးလုပ်စိုင်အတိုင်း အမှိုက်တိကို
မြီမြှုပ်ပစ်လိုက်ခြင်းရေ ခေတ်အောက်နိန်ပျာယ်ဖြစ်ပြီးကေ သဘာဝကို အများကြီး ညစ်ညမ်းစီရေလို့ ဆိုပါရေ။ ဂျက်ကဘီ ဂရုပ် (Jacoby Group)ကုမ်ပဏီကြီး၏ အစိတ်အပိုင်းတစ်ခုဖြစ်တေ ဂျီအိုပလာစမာက ယင်းအမှိုက်တိ၏ အက်တမ်ချေတိကို လျှပ်စစ်သုံးပြီးကေ ဖျက်ဆီးပစ်နိုင်ရေလို့ အဆိုပြုပါရေ။ ယင်းနည်းလမ်းက သန့်လည်းသန့်ရေ၊ ခေတ်လည်းမှီရေ၊ ပြီးကေ အမြတ်အစွန်းတောင် ရနိုင်ရေလို့ ဆိုပါရေ။

ရေနံဆီသန့်စင်ရုံတိက ထွက်လာရေ အရည်ပျစ်တိပိုင် အဆိပ်တောက်အညစ်အကြေးတိကို အပြင်းစားပလာစမာမီးတုတ်က ထွက်လာရေ လျှပ်စီးသုံးပြီးကေ နှစ်ပေါင်းများစွာကြာအောင် ဖျက်ဆီးလာကတ်ပျာယ်ဖြစ်တေ။ (ယင်းမီးတုတ်သည် အရာဝတ္ထုကို နီမျက်နှာပြင်အပူချိန်ထက် ပူသည်အထိ အပူပီးနိုင်သည်။) မကြာခင်နှစ်တိအထိ ယင်းလုပ်နည်းရေ အကုန်အကျကြီးရေ လုပ်စိုင်တစ်ခုဖြစ်တေလို့ သြစတြေးလျကုမ်ပဏီတစ်ခုဖြစ်တေ အက်စ်အာရ်အလ် ပလာစမာ(SRL Plasma)က ဆိုပါရေ။ အညစ်အကြေးတစ်တန်ကို ဖျက်ဆီးဖို့ ဒေါ်လာ ၂၀၀၀ နီးပါးလောက်ထိ ကုန်ကျတတ်တေလို့ ဆိုပါရေ။ ယင်းကုမ်ပဏီရေ ကဗာမှာ ဟိရေ ယင်းပိုင်လုပ်စိုင်သုံးမီးတုတ်စက်ရုံကြီး ၂၄ ရုံလောက်ထဲက ၁၃ ရုံကို ပိုင်ဆိုင်ရေ ကုမ်ပဏီလည်း ဖြစ်ပါရေ။

အဂုအခါမှာ ယင်းလုပ်စိုင်၏အကုန်အကျစရိတ်က ထိုးကျလားပျာယ်။ ယင်းအပြင် ဒေါက်တာ ဟလ်စ်တပ်ပိုင်လူတိကလည်း ယင်းလုပ်စိုင်ကို အသုံးချပြီးကေ စွမ်းအင်တိထုတ်လို့ရပါရေ၊ ယင်းစွမ်းအင်တိကို ပြန်သုံးလို့ရရေ ဆိုစွာတိကို သိဟိလာကတ်ပါပျာယ်။ ပလာစမာမီးတုတ်နန့် စာရွက်၊ ပလက်စတိတ်စရေ အော်ဂန်းနိတ် အရာဝတ္ထတိကို ဖျက်ဆီးရေအခါမှာ လိုအပ်ရေပိုင် ယင်းမီးကို ညှိပီးကေ ဆင်းဂတ်စ်(syngas)လို့ခေါ်ရေ ကာဗွန်မိုနော့ဆိုက်နန့်ဟိုက်ဒရိုဂျင်ပါရေ အရောအနှောကို ရဟိပါရေ။ ယင်းချင့်ကို လောင်ကျွမ်းစီကေ လျှပ်စစ်မီးကို ထုတ်လုပ်ပီးပါရေ။ အမှိုက်ပစ်ခပီးစရာမလိုပဲ အမှိုက်ကို တခါတည်း အငွေ့ပျံစီရေ သန့်စင်သော လုပ်စိုင်ဖြစ်ပါရေ။ စွမ်းအင်စရိတ်တိ တက်တက်နိန်ရေ အဂုခေတ်မှာ အသုံးဝင်ရေ နည်းပိန်ညာတစ်ခုဖြစ်လာနိုင်ပါရေ။

ပထမဆုံးသော အမှိုက်ကနိန် ဆင်းဂတ်စ်ကို ပြောင်းရေ စက်ရုံကို လွန်ခရေ ၁၀နှစ်လောက်က မြီယှား၊ အမှိုက်စရိတ်ကြီးရေ ဂျပန်နိုင်ငံမှာ ဆောက်လုပ်ခပါရေ။ အေနှစ်ထဲမှာ သန်း၁၂၀ ကျော်ကုန်ကျဖို့ဖြစ်တေ စက်ရုံသစ်ကို ဖလော်ရီဒါပြည်နယ်က စိန့်လူဆီးခရိုင်မှာ တည်ဆောက်လားဖို့ဖြစ်ပါရေ။ အိမ်တိကထွက်လာရေ အမှိုက်တိနန့် အိမ်ပေါင်း ၂ သောင်းကျော်ကို လျှပ်စစ်မီးပီးနိုင်အောင် စီမံလားဖို့ဖြစ်ပါရေ။ တဖြည်းဖြည်းနန့် ထွက်လာရေ လျှပ်စစ်မီးကို ရောင်းလို့ရလာစွာ ဖဲ့ချာရေ ကုန်ကျစရိတ်ကို ကျီလားနိုင်ရေအပြင် အမြတ်အစွန်းလည်း ထွက်လာဖို့လို့ ဆိုပါရေ။

အေပိုင်လုပ်ငန်းတိကို လုပ်နိန်စွာရေ ဂျီအိုပလာစမာ ကုမ်ပဏီတစ်ခုတည်း မဟုတ်ပါ။ ယင်အပြင်တခြား အမေရိကန် ကုမ်ပဏီ ၄၀ လောက်ကလည်း ဆင်းဂတ်စ်ထုတ်တေ စက်ရုံတိကို တည်ဆောက်ဖို့ လှုံဆော်နိန်ကတ်တေလို့ ဗာဂျီးနီးယားပြည်နယ် ဖေးယားဖက်စ်အခြေစိုက် အတိုင်ပင်ခံ ကုမ်ပဏီတစ်ခုက ဆိုပါရေ။

အီလီနှိုင်းပြည်နယ် ၀ါရန်ဗေးလ်မြို့က ကော့စ်ကာတာ(Coskata)ကုမ်ပဏီကလည်း ဆင်းဂတ်စ်ကို အချိုင်ဖောက်ပြီးကေ ကားဆီအဖြစ်သုံးနိုင်ရေ အက်သနောထုတ်လုပ်ဖို့အတွက် ကြိုးစားနိန်ပါရေ။
အဂုပိုင်အမှိုက်တိကနိန် ဆင်းဂတ်စ်ထုတ်လုပ်စွာတိ ဇာလောက်တိအသုံးတည့်လာဖို့လဲ၊ တွင်ကျယ်အောင်မြင်လာဖို့လဲ ဆိုစွာကတော့ စောင့်ကြည့်ကတ်ရဖို့ဖြစ်ပါရေ။

Source:http://www.economist.com/node/18061104