Pages

Sunday, January 3, 2010

အရက်အကြောင်း တစေ့တစောင်း (၁)


ရခိုင်ပြည်နာင့် အရက်ကြိုက်တေ ရခိုင်တိအကြောင်းကိုတော့ အကျယ်ချဲ့ပြီးကေ ပြောဖို့တော့လိုဖို့မဟုတ်ပါ။ အရက်သောက်လိုက်လို့ စိတ်ကိုလွတ်လပ်စီပြီးကေ ပျော်ဂတ်ရရေပိုင် အရက်သောက်ပြီးကေ သွီးဆိုးရမ်းကားလို့ ပျက်လားခရရေ မိသားစုချေတိ၊ စီးပွားရေးတိ၊ ဘ၀တိကလည်း ဒုနာင့်ဒေးပါ။ ယင်း၏အကျိုးဆက်အဖြစ် ရခိုင်ပြည်၏တိုးတက်မှုလမ်းစတိကိုလည်း တဘက်တလမ်းက အညွန့်ချိုးပစ်နိန်ပါရေ။ ကျနော်ရို့ ရခိုင်သားတိကလည်း အရက်ရေ ဆိုးရေဆိုစွာကို မသိစော်တော့ မဟုတ်ပါ။ သိဂတ်ပါယင့်။ ယေကေလေ့ အရက်က ဇာဖြစ်လို့လူကို မူးယစ်စီလဲ၊ ဇာရောဂါတိကို ဇာကြောင့် ဖြစ်စီလဲလို့ မိန်းလိုက်ကေ ဖြေနိုင်ရေလူက ကောင်းရှားပါရေ။ ကြားဖူးသယောင်နာင့် တတ်ယောင်ကား လုပ်ကတ်တေ လူတိရာ များပါရေ။ ယင်းပိုင်ပျာယ် အေဂုပိုင်အရက်ကို အလွန်အကျွံသောက်နိန်စော်တိကို အရက်မသောက်ကဲ့လို့ ပစနာင့်အတင်း တားမြစ်ရုံလောက်နာင့် မရနိုင်စော်အကြောင်းအရာတိကလည်း ဟိနိန်ပါရေ။ ယင်းပိုင်သျှောင် အရက်အကြောင်းကို စနစ်တကျသိဟိနိုင်ဖို့ သိပ္ပံနည်းကျနာင့် ဆီးပညာရှုထောင့်တိကို ကိုးကားလို့ ရွီးသားလိုက်ရပါရေ။

အရက် သို့မဟုတ် Ethanol အရက်ဂုဏ်သတ္တိပါရေ ယမကာရည်တိုင်းမှာ အီသိုင်း အယ်လ်ကိုဟော (ethyl alcohol)လို့ခေါ်ရေ စိတ်ကြွစီရေ ဓာတ်တစ်ခုပါပါရေ။ Ethyl alcoholကို အက်သနော(Ethanol) လို့လည်း ခေါ်ကတ်ပါရေ။ Ethanolကိုတော့ လူတိ ကြားဖူးကတ်ဖို့ထင်ပါရေ။ Ethanolဆိုစွာ လောင်စာဆီတစ်မျိုးပါ။ ဥပမာ-ဘရာဇီးနိုင်ငံ မှာဆိုကေ ကြံ(Sugar cane)ကနိန်တဆင့် အီသနောကို ထုတ်လုပ်ပြီးကေ ကားမှာသုံးဖို့ လောင်စာဆီအဖြစ် အသုံးပြုကတ်ပါ ရေ။ သောက်ဖို့ မသင့်တော်ရေ၊ ကကောင်းပြင်းရေ အရည်တမျိုးဖြစ်ပါရေ။ ယင်းအတွက်ကြောင့်လည်း သောက်စော်အရက်တိမှာ အများကြီးထည့်လို့မကောင်းစွာပါ။ ဘီယာမှာဆိုကေ ethanol ၃ ရာခိုင်နှုန်းကနိန် ၆ ရာခိုင်နှုန်းအထိ ပါတတ်ပါရေ။ ၀ိုင်(Wine)တိမှာဆိုကေ ၇ ရာခိုင်နှုန်းကနိန် ၁၅ ရာခိုင်နှုန်းအထိပါတတ်ပါရေ။ ချန်ပိန်း (Champagne)မှာဆိုကေ ၈ ရာခိုင်နှုန်းကနိန် ၁၄ ရာခိုင်နှုန်းအထိပါတတ်ပါရေ။ ရမ်၊ ဂျင်၊ ဗေါဒ်ကာ (vodka)၊ ၀ီစကီ စရေ အပြင်းစားအရက်တိမှာဆိုကေ ၄၀ ရာခိုင်နှုန်းကနိန် ၉၅ ရာခိုင်နှုန်းအထိ ပါတတ်ပါရေ။ အရက်အစစ်ဆုံး(ethanol ၁၀၀ ရာခိုင်နှုန်းနီးပါးပါရေ)ကို အေအတိုင်းအကြမ်း၊ တစ်ခုလေ့မရောဘဲနာင့် သောက်ကေ သီနိုင်ဖို့ ရာခိုင်နှုန်းကလည်း ၁၀၀ ရာခိုင်နှုန်းနီးပါး ဟိပါရေ။ များသောအားဖြင့်တော့ခါ အပြင်းစားအရက်တိမှာ ethanol (သို့) alcohol ပါဝင်နှုန်း ၄၀ ရာခိုင်နှုန်းလောက် ဟိတတ်ပါရေ။

အရက်လုပ်နည်း သုံးမျိုး
အရက်ကို နည်းသုံးမျိုးထဲက တစ်မျိုးမျိုးကို သုံးပြီးကေ လုပ်နိုင်ပါရေ။
၁။ ပထမနည်းကတော့ အများသုံးနည်းဖြစ်တေ သစ်သီးတိ၊ သီးနှံတိကို အချိုင်ဖောက်ပြီးကေ လုပ်တေနည်းပါ။ ယင်းနည်းနာင့် လုပ်လို့ရလာစွာကို အထက်က ပြောခရေပိုင် ethanol လို့ခေါ်စွာပါ။
၂။ နောက်တစ်နည်းကတော့ခါ ကျောက်ဖြစ်ရုပ်ကြွင်းတိက ရရေ လောင်စာဆီ(ရီနံ၊ သဘာဝဓာတ်ငွေ့)ကို ဓာတုဗေဒဆိုင်ရာ ပြောင်းလဲမှု(chemical modification)ပြုပြီးကေ အရက်အဖြစ်ကို ပြောင်းရေ နည်းပါ။ ယင်းနည်းနာင့် ရလာရေ အရက်တိကို industrial alcohol လို့ ခေါ်ပါရေ။
၃။ နောက်ဆုံးနည်းကတော့ခါ ကာဗွန်ဒိုင်အောက်ဆိုဒ်ကို ဟိုက်ဒရိုဂျင်နာင့် ဓာတုဗေဒဆိုင်ရာ ပြောင်းလဲပြီးကေ ထုတ်လုပ်တေ အရက်တစ်မျိုးပါ။ ယင်းနည်းနာင့် ရလာရေ အရက်ကို methanol alcohol(သို့) wood alcohol လို့ ခေါ်ပါရေ။ ယေကေလေ့ ဒုတိယနည်းနာင့် တတိယနည်းကို သုံးပြီးကေ ရလာရေ အရက်တိက ကောင်းအဆိပ်ပြင်း တတ်ပါရေ။ တဖဲ့ချေသောက်မိကေတောင်မှ မျက်စိကန်းခြင်း၊ အသက်ဆုံးရှုံးခြင်းတိကို ဖြစ်ပေါ်စီနိုင်ပါရေ။

အရက်နာင့် လူ့ခန္ဓာ
လူတစ်ယောက်က အရက်တစ်ခွက်ကို သောက်လိုက်စွာနာင့် ယင်းအရက်တိ၏ ၂၀ ရာခိုင်နှုန်းလောက်ရေ အစာအိမ်(stomach)ကနိန်တဆင့် သွေးကြောထဲတိကို ချက်ချင်းစိမ့်ဝင်လားပါရေ။ သွေးကြောတိထဲကို အရက်ဓာတ်ရောက်လခစွာနာင့်ချက်ချင်း မူးယစ်တေ အသိကို ခံစားလာရပါရေ။ နောက်ထပ် ၇၅ ရာခိုင်နှုန်းလောက်ကတော့ခါ အစာအိမ်အောက်မှာဟိရေ အူလမ်းကြောင်းချေ(small intestine) အထက်ပိုင်းတိထဲကို စိမ့်ဝင်လားပါရေ။ ကျန်စွာတိကတော့ခါ အစာအိမ်အူလမ်းကြောင်းမကြီး၏ ကျန်ရေ နိန်ရာတိကို ဆက်ပြီးကေ စိမ့်ဝင်ပြန့်နှံ့လားကတ်ပါရေ။

ခန္ဓာကိုယ်ထဲကို အရက်စိမ့်ဝင်နှုန်းရေ အရက်အမျိုးအစားကို လိုက်ပြီးကေ တစ်မျိုးနာင့်တစ်မျိုး စိမ့်ဝင်နှုန်းမတူ ကတ်ပါ။ ဥပမာ-carbonation လို့ခေါ်ရေ ဆူပြီးကေအမြုပ်တိတက်လာအောင် လုပ်ထားရေ ချန်ပိန်းပိုင် အရက်မျိုးဆိုကေ ပိုပြီးကေ စိမ့်ဝင်နှုန်းမြန်ပါရေ။ ယင်းပိုင်ပျာယ် အရက်ထဲမှာ Artificial sweeteners လို့ခေါ် ရေ သကြားအတုတိ ထည့်ထားကေလည်း စိမ့်ဝင်နှုန်းကို မြန်စီပါရေ။ အစာအိမ်ထဲမှာ အစာဟိနိန်ရေ ဆိုကေတော့ခါ စိမ့်ဝင်နှုန်းက မမြန်ဘဲ လျော့ကျလားတတ်ပါရေ။ ယင်းပိုင်ပျာယ် အရက်အပြင်းစားတိကလည်း ချက်ချင်း အမြန် မစိမ့်ဝင်တတ်ပါ။ ယေကေလေ့ တနားကြာကေတော့ခါ စိမ့်ဝင်လားကတ်စွာပါရာ။ စိမ့်ဝင်လားရေ အရက်တိကို သွေးကြောတိကနိန်တဆင့် တခြားခန္ဓာကိုယ်အစိတ်အပိုင်းတိကို ပို့ဆောင်ဇီပါရေ။ အရက်ရေ ဇီဝအမြှီးပါး(biological membranes)ကနိန်တဆင့် အလျင်အမြန် ဖြတ်သန်းလားနိုင်ရေ စွမ်းရည်ဟိရေအတွက်ကြောင့် ခန္ဓာကိုယ်တစ်ရှူး(body tissues)တိကို ရောက်စွာလည်း မြန်ပါရေ။

ဇီဝကမ္မ ဖြစ်စိုင်
အရက်နာင့် ပတ်သက်တေ ဇီဝကမ္မ ဖြစ်စိုင်(metabolism)တိကတော့ အသည်းမှာ အဓိကဖြစ်ပါရေ။ (ဇီဝကမ္မ ဖြစ်စိုင်ဆိုစွာက စားသုံးရေ အစားအစာ၊ အရည်တိကို ဓာတုဗေဒနည်းအရ ခန္ဓာကိုယ်ထဲမှာ ဓာတ်ပြောင်းမှုတိ ဖြစ်စီပြီးကေ စွမ်းအင်နာင့်အညစ်အကြေးတိကို ထုတ်လုပ်ပီးရေ ဖြစ်စိုင်ကို ဆိုလိုပါရေ။ လူတိခန္ဓာကိုယ်ထဲမှာ ယင်းဖြစ်စိုင်ရေ အမြဲတမ်းဖြစ်နိန်ပါရေ။ အိပ်နိန်ကေတောင်မှ ယင်းဖြစ်စိုင်က မရပ်တန့်ဘဲ ဆက်လက်ဖြစ်နိန် စွာပါ။) အစာအိမ်ထဲမှာလည်း ယင်းပိုင်ဖြစ်စိုင်တိ တဖဲ့ချေဖြစ်ပါရေ။ သောက်လိုက်တေ အရက်၏ ၂ ရာခိုင်နှုန်း ကနိန် ၁၀ ရာခိုင်နှုန်းကတော့ခါ အသည်းတိ၊ တစ်ရှူးတိကို မရောက်ဘဲ အဆုတ်တိ၊ ကျောက်ကပ်တိနာင့် ချွဲပေါက် တိကနိန်တဆင့် ပြန်ထုတ်ပီးပါရေ။ ယေဘုယျအားဖြင့် ကျောက်ကပ်တိက သောက်လိုက်တေ အရက်တိ၏ ၅ ရာခိုင်နှုန်း ကို အပေါ့လားစွာကနိန်တဆင့် ထုတ်ပစ်ပါရေ။ အဆုတ်ကလည်း ၅ ရာခိုင်နှုန်း လောက်ကို အသက်ရှူလမ်းကြောင်းတိကနိန် ရှူထုတ်ပစ်ပါရေ။ ယင်းအတွက်နာင့် အရက်သောက်တေလူတိ ပဇ ရို့၊ အပေါ့ ရို့က အနံ့ပြင်းတိ ထွက်နိန်ရခြင်း ဖြစ်ပါရေ၊

ဇီဝကမ္မ ဖြစ်စိုင်အရ သောက်လိုက်တေအရက်ကို alcohol dehydrogenase လို့ခေါ်ရေ အန်ဇိုင်း(enzyme)က ချေဖျက် ပြီးကေ acetaldehydeကိုထုတ်လုပ်ပီးပါရေ။ ထုတ်ပီးလိုက်တေAcetaldehydeတိက မလိုလားအပ်တေ ဆိုးကျိုးတိကို ဖြစ်ပေါ်ဇီပါရေ။ ယင်းacetaldehydeကိုပျာယ် acetaldehyde dehydrogenaseလို့ခေါ်ရေ အန်ဇိုင်းတိက ဆက်ပြီးကေ ချေဖျက်ပလိုက်ကေ လူ့ခန္ဓာကိုယ်အတွက် စွမ်းအင်နာင့် မော်လီကျူးချေတိကို ရဟိပါရေ။

အာရှသွီးပါရေ လူမျိုးစုအချို့နာင့် ဂျူးလူမျိုးတချို့မှာဆိုကေ ထူးခြားရေ ဗီဇလက္ခဏာ(genes)တိပါပါရေ။ ယင်းပိုင်လူတိထဲမှာ တခြားလူမျိုးတိနာင့် မတူရေ အန်ဇိုင်းတိ ဟိပါရေ။ ယင်းပိုင်သျှောင် ယင်းလူတိ၏ ဇီဝကမ္မ ဖြစ်စိုင်ဆိုစွာလည်း ထူးခြားပါရေ။ ယင်း၏အကျိုးဆက်အဖြစ် ဦးဏှောက်နာင့် တခြားတစ်ရှူးတိက
acetaldehydeတိကို ပိုပြီးကေ ထုတ်ပီးစွာကို တွိရပါရေ။ နောက်ဆုံးမှာ မလိုလားအပ်တေ တန်ပြန်
လက္ခဏာတိကို ထူးထူးခြားခြားဖြစ်ပေါ်ဇီပါရေ။ ယင်းပိုင်လူတိအရက်သောက်ကေ သူရို့၏အရီပြားတိ ပိုပူလာပိုင်ခံစားရတတ်ပါဖို့။ နှလုံးခုန်နှုန်းနာင့် အသက်ရှူနှုန်းတိ မြန်လာတတ်ပါဖို့။ ခေါင်းကိုက်ခြင်း၊ အော့အံခြင်း၊ ခန္ဓာကိုယ်မှာ အဖုအထိုက်တိ ထွက်လာခြင်းတိကိုလည်း ဖြစ်ပေါ်ဇီတတ်ပါဖို့။

အရက်သောက်ပုံအပေါ်မူတည်ပြီးကေလည်း အရက်၏ ဇီဝကမ္မဖြစ်စိုင်က အတက်အကျဟိပါရေ။ ဥပမာ - အရက်အကြာကြီးသောက်လာရေ လူတစ်ယောက်မှာ ဖြစ်ပျက်နိန်ရေ ဇီဝကမ္မဖြစ်စိုင်ရေ အရက်အမြဲတမ်းမ သောက်ရေ လူထက် ပိုမြန်ပါရေ။ ပုံမှန်အားဖြင့်ဆိုကေ ပေါင်၁၅၀ (၆၈ ကီလိုဂရမ်)ဟိပြီးကေ ပုံမှန် အသည်းဟိရေလူတစ် ယောက်ရေ သုည ဒသမ ၃ အောင်စ(ounce)ဟိရေ အရက်ကို ဇီဝကမ္မဖြစ်စိုင်အရ ချေဖျက်ဖို့အတွက် တစ်နာရီ ကြာပါရေ။ (သုည ဒသမ ၃ အောင်စဆိုစွာရေ ၁၂ အောင်စဟိရေ ဘီယာဘူးထက်ဝက်(သို့) ၂.၅ အောင်စဟိရေ ၀ိုင်တစ် ခွက်မှာ ပါရေ အရက်ဓာတ်ပါဝင်နှုန်းနာင့် ညီမျှပါရေ။) ယေကေလေ့ အရက်သောက်သက်တမ်းရင့်လာရေ လူတစ်ယောက်အတွက်တော့ကတော့ခါ ယင်းလောက်မ ကြာပါဗျာယ်။ ယင်းအတွက်နာင့် အရက် အသောက်များရေလူရေ ကြာလာရေအခါ နည်းနည်းပါးပါး သောက်ရုံနာင့် မမူးရခြင်းဖြစ်ပါရေ။

မတူသော အရက်မူးခြင်း
သောက်လိုက်တေ အရက်ပမာဏကတူကေလေ့ ခန္ဓာကိုယ် အလီးချိန်ကို လိုက်လို့ အရက်ပိုမူးရေ မမူးရေ ဆိုစွာကလည်း ကွာပါရေ။ ယေဘုယျပြောရဖို့ဆိုကေ ပိုပိန်ရေ လူက အသားပိုဟိရေလူ(၀ ရေ လူမဟုတ်)ထက် ပိုမူးတတ်ပါရေ။ ဇာဖြစ်လို့လဲဆိုကေ ပိန်ရေလူမှာ သောက်လိုက်တေ အရက်တိကို ပြန်နှံ့ဇီဖို့ အသားတစ်ရှူးတိ နည်းလို့ပါ။ ယင်းပိုင်ပျာယ် အဆီများပြီးကေ ၀နိန်ရေလူရေ ခန္ဓာကိုယ်အသားပြည့်ရေ လူထက် အရက်သောက်တေ ပမာဏချင်းတူကေလေ့ ပိုမူးတတ်ပါရေ။ ဇာဖြစ်လို့ဆိုကေ ၀ ကေလေ့ အဆီများနိန်ရေ လူမှာပါရေ အဆီတစ်ရှူးတိမှာ သွီးကြောမျှင်တိက နည်းပါရေ။ အသားပြည့်ရေလူတိမှာတော့ခါ သွီးကြောတိက များပြီးကေ အရက်တိကိုလည်း နိန်ရာအများစုကို ပြန့်နှံ့ဇီပါရေ။ အဆီများရေလူမှာကျခါ ဟိရေ သွီးကြောချေ တိမှာရာ စုပြီးကေ အရက်တိဟိနိန်တတ်လို့ ပိုမူးရခြင်းဖြစ်ပါရေ။

လိင်ပိုင်းဆိုင်ရာကို လိုက်ပြီးကေလည်း အရက်မူးဓာတ် ကွာခြားပါရေ။ မိန်းမတိ၏ အစာအိမ်ထဲမှာ ဖြစ်ပျက်တတ်တေ ဇီဝကမ္မဖြစ်စိုင်ရေ ယောက်ကျားတိလောက် လှုပ်ရှားမှုမဟိပါ။ အထက်မှာ ဖော်ပြခရေပိုင် သွီးကြောထဲကို မရောက်ခင်ကတည်းကပင် ဇီဝကမ္မဖြစ်စိုင်ရေ အစာအိမ်ထဲမှာလည်း ဖြစ်တတ်ပါရေ။ ယင်းဖြစ်စိုင်ဖြစ်ဖို့အတွက် လိုအပ်တေ အစာအိမ်အန်ဇိုင်းတိက မိန်းမတိထက် ယောက်ကျားတိမှာက လေးဆ ပိုပြီးအားကောင်းပါရေ။ ယင်းအကျိုးဆက်အဖြစ် မိန်းမတိ၏ အစာအိမ်ထဲမှာ ဇီဝကမ္မဖြစ်စိုင်အရ ချေဖျက်ခြင်း မခံရရေ အရက်ပမာဏရေ ယောက်ကျားတိထက် ပိုများပါရေ။ ယင်းအရက်တိက သွီးကြောထဲတိကို စိမ့်ဝင်ပြန့်နှံ့ပြီးကေ မိန်းမတိကို ပိုမူးဇီပါရေ။ ယင်းအပြင် ယေဘုယျအားဖြင့် မိန်းမတိရေ ယောက်ကျားတိ ထက် ကိုယ်ခန္ဓာအရွယ်အစားပိုငယ်စွာက တစ်ကြောင်း၊ မိန်းမခန္ဓာကိုယ်မှာ ယောက်ကျားတိထက် အဆီပိုများ စွာက တစ်ကြောင်းရို့ကြောင့် မိန်းမတိက ယောက်ကျားတိထက် အရက်သောက်တေ ပမာဏချင်းတူကေလေ့ ပိုမူးတတ်ပါရေ။ မိန်းမတိ၏ ဟော်မုန်းဓာတ်နာင့်၊ ဓမ္မတာရာသီ အချိန်တိကလည်း ဇာလောက်ပိုမူးနိုင်လဲဆိုစွာ အပေါ်မှာ အတိုးအလျော့ဟိဇီပါရေ။




0 comments:

Post a Comment

 
© Copyright by AS  |  Template by Blogspot tutorial