Pages

Friday, January 1, 2010

သမုဒ္ဒရာနက်ထဲမှာ အလင်းရောင်ထုတ်ပီးရေ ရီအောက်သတ္တ၀ါတိ ဟိလား

သမုဒ္ဒရာကြီး၏အောက် မည်းမှောင်နိန်ရေ ရီထုထဲမှာ အလင်းရောင်ထုတ်လွှင့်ပီးရေ ရီနိန်သတ္တ၀ါတိဟိပါရေ။ တချို့ငါးတိ၊ သမုဒ္ဒရာနက်ထဲမှာရာ နိန်တတ်တေ ရီဂြက်မျိုးစုတချို့တိ၊ ဂဏာန်းတိပိုင် အမာခွံပါဟိရေ ရီနိန်သတ္တ၀ါတိ (crustaceans)၊ ရခူတိရေ သူရို့၏ ခန္ဓာဖွဲ့စည်းပုံအရ သဘာဝအတိုင်း အလင်းရောင်တိကို လွှင့်ထုတ်ပီးပါရေ။ ယေဘုယျအားဖြင့် သမုဒ္ဒရာ၏ နက်ရှိုင်းရေ နိန်ရာမှာ နိန်ထိုင်ကတ်တေ သတ္တ၀ါတိ၏ ထက်ဝက်ကျော်ရေ အလင်းဓာတ်ကို ထုတ်လွှင့်ပီးနိုင်ပါရေ။ သူရို့ခန္ဓာကိုယ်ထဲက Photophores လို့ခေါ်ရေ ထူးထူးခြားခြား ဆဲလ်(cell)တိရေ ဓာတုဗေဒဆိုင်ရာ ပြောင်းလဲမှု (chemical reaction)ဖြစ်လိုက်တိုင်း အလင်းရောင်ကို ထုတ်လွတ်စီပါရေ။ တချို့ကလည်း ခန္ဓာကိုယ်ထဲမှာပင် အလင်းရောင်ဟိရေ ဘတ်တီးရီးယားတိ ပါဟိခြင်းကြောင့် လင်းနိန်ပါရေ။ ကိုယ့်ကို ရန်မူဖို့လာရေ သတ္တ၀ါတိလက်က အလင်းရောင်ကို သုံးပြီးကေ ရှောင်တိမ်းနိုင်ရေပိုင် ကိုယ့်သားကောင်တိကို မျှားခေါ်စွာမှာလည်းကောင်း အလင်းရောင်ကို သုံးကတ်ပါရေ။ ယင်းပိုင်ပျာယ် အလင်းဓာတ်ကိုသုံးပြီးကေ တခြားသတ္တ၀ါတိနာင့် အချက်ပြဆက်သွယ်ခြင်း၊ မိမိနိန်မြီကို သတ်မှတ်ထိန်းသိမ်းခြင်းတိကိုလည်း လုပ်ဆောင်နိုင်ပါရေ။

ဓာတ်ပုံ။ http://www.mbari.org/twenty/images/biodiversity/stella2f.jpg

2 comments:

Unknown said...

THANKS SO MUCH YOUR LOOKING FOR GIVE ADVICE AND KNOWLEDGE FOR ALL ARAKAN PEOPLE AND YOUNG LIFE FUTURE CONTINUE,I CAN UNDER STANDING ENG.LAUNGUAGE ALITTLE,HOWEVER I TRY WRITING GIVE COMMENT YOU ,I WISH SEE FOR MY LIFE NEW FUTURE ARAKAN KINGDOOM
SEE YOU AGAIN

Kyaw Htoo Aung said...

Thanks, Robert!

Post a Comment

 
© Copyright by AS  |  Template by Blogspot tutorial